ഭീമ-കൊറേഗാണ്&zwj; കേസ്സില്&zwj; കുറ്റാരോപിതനായി അറസ്റ്റു ചെയ്യപ്പെട്ട കേരളത്തില്&zwj; നിന്നുള്ള റോണ വില്&zwj;സണിന്റെ മൊബൈല്&zwj; ഫോണ്&zwj; വിവാദമായ പെഗാസസ് ചാര സോഫ്റ്റ്&zwnj;വയര്&zwj; ഉപയോഗിച്ച് ചോര്&zwj;ത്തിയതായുള്ള റിപ്പോര്&zwj;ട്ട് പുറത്തു വന്നത് കഴിഞ്ഞ ആഴ്ചയാണ്. വില്&zwj;സണടക്കമുള്ള ബികെ കേസ്സ് കുറ്റാരോപിതരില്&zwj; പ്രമുഖരുടെ കമ്പ്യൂട്ടറുകള്&zwj; ഹാക്ക് ചെയ്തതായി കണ്ടെത്തിയ അമേരിക്കയിലെ ഡിജിറ്റല്&zwj; ഫോറന്&zwj;സിക് സ്ഥാപനമായ ആര്&zwj;സണല്&zwj; കണ്&zwj;സള്&zwj;ട്ടിംഗ് തന്നെയാണ് പെഗാസസ് ചാര സോഫ്റ്റ്&zwnj;വയര്&zwj; ഉപയോഗപ്പെടുത്തി വില്&zwj;സണിന്റെ മൊബൈല്&zwj; ഫോണ്&zwj; ഹാക്ക് ചെയ്തതിന്റെ തെളിവുകളും കണ്ടെത്തിയത്. വില്&zwj;സണ്&zwj; ഉപയോഗിച്ചിരുന്നു ഐഫോണ്&zwj;-6 മോഡല്&zwj; ഫോണില്&zwj; ജൂലൈ 2017 മുതല്&zwj; ഏപ്രില്&zwj; 2018 വരെയുള്ള കാലയളവില്&zwj; പെഗാസസ് സോഫ്റ്റ്&zwnj;വയര്&zwj; ഉപയോഗപ്പെടുത്തി നുഴഞ്ഞു കയറിയതിന്റെ തെളിവുകള്&zwj; കണ്ടെത്തിയതായി ആര്&zwj;സണല്&zwj; റിപോര്&zwj;ട്ട് വെളിപ്പെടുത്തുന്നു. 2018 ജുണ്&zwj; 6 നാണ് വില്&zwj;സണ്&zwj; അറസ്റ്റു ചെയ്യപ്പെടുന്നത്. വില്&zwj;സണെ പോലുള്ളവരുടെ ശ്രദ്ധയാര്&zwj;ഷിക്കുവാന്&zwj; പറ്റിയ SMS സന്ദേശങ്ങളാണ് ഫോറന്&zwj;സിക് പരിശോധകര്&zwj; കണ്ടെത്തിയിട്ടുള്ളത്.

&nbsp;

ഫോറന്&zwj;സിക് റിപ്പോര്&zwj;ട്ടിലെ വിവരങ്ങള്&zwj; ശരിയാകുന്ന പക്ഷം ഇന്ത്യയിലെ രാഷ്ട്രീയ പ്രേരിതമായ ക്രിമിനല്&zwj; ഗൂഢാലോചന കേസ്സുകളുടെ ചരിത്രത്തിലെ നാഴികക്കല്ലായി ഭീമ-കൊറേഗാണ്&zwj; കേസ്സ് മാറുന്നതിനുള്ള സാധ്യത കൂടുതല്&zwj; തെളിയുകയാണ്. ധൈഷണിക-സാമൂഹിക പ്രവര്&zwj;ത്തനങ്ങളുടെ വൈവിധ്യങ്ങളായ മേഖലകളില്&zwj; വര്&zwj;ഷങ്ങളായി വ്യക്തിമുദ്ര പതിപ്പിച്ച 15 പേരെ കുറ്റാരോപിതരാക്കി കഴിഞ്ഞ മൂന്നു വര്&zwj;ഷത്തിലധികമായി തടവിലാക്കിയ (84-കാരനായിരുന്ന സ്റ്റാന്&zwj; സ്വാമി ജീവിച്ചിരിന്നുവെങ്കില്&zwj; പതിനാറാമനായി ഇപ്പോഴും തടങ്കലില്&zwj; തുടരുമായിരുന്നു) ഈ കേസ്സിന്റെ അടിസ്ഥാനം കെട്ടിച്ചമച്ച തെളിവുകള്&zwj; ആണെന്ന ആരോപണങ്ങളെ ദൃഢപ്പെടുത്തുന്ന വിവരങ്ങള്&zwj; ഫോണ്&zwj; ചോര്&zwj;ത്തല്&zwj; വിവരം വീണ്ടും ബലപ്പെടുത്തുന്നു. ബികെ കേസ്സ് എന്ന പേരില്&zwj; അറിയപ്പെടുന്ന ഈ ഗൂഢാലോചന കേസ്സിന്റെ തുടക്കത്തില്&zwj; അറസ്റ്റിലായ ഗവേഷകനും, തടവുകാരുടെ അവകാശങ്ങള്&zwj;ക്കു വേണ്ടിയുള്ള പ്രവര്&zwj;ത്തകനുമായ റോണ വില്&zwj;സണിന്റെ കമ്പ്യൂട്ടറില്&zwj; നുഴഞ്ഞു കയറി നിരവധി രേഖകള്&zwj; നിക്ഷേപിച്ചതിനെ കുറിച്ചുള്ള വിവരങ്ങള്&zwj; നേരത്തെ പുറത്തു വന്നിരുന്നു. കമ്പ്യൂട്ടര്&zwj; മാത്രമല്ല വില്&zwj;സണ്&zwj;ന്റെ മൊബൈല്&zwj; ഫോണും നുഴഞ്ഞു കയറ്റക്കാര്&zwj; ആവശ്യാനുസരണം ഉപയോഗപ്പെടുത്തിയെന്നാണ് ഏറ്റവും ഒടുവില്&zwj; ലഭ്യമായ വിവരം.

&nbsp;

<figure class="wp-block-image size-full"><img class="wp-image-8765" src="https://malabar-journal-images.s3.amazonaws.com/content-images/Rona-Wilson1.jpg" alt="" />
<figcaption>റോണ വില്&zwj;സണ്&zwj; / Photo : wiki commons</figcaption>
</figure>

&nbsp;

പെഗാസ്സസ് വിവാദത്തെ പറ്റി സമഗ്രമായി അന്വേഷിക്കുവാന്&zwj; സുപ്രീം കോടതി നിയോഗിച്ച സമിതിയുടെ മുമ്പില്&zwj; ചാര സോഫ്റ്റ്&zwnj;വയര്&zwj; ഉപയോഗപ്പെടുത്തി വില്&zwj;സണ്&zwj;ന്റെ ഫോണ്&zwj; നിരീക്ഷണത്തിലാക്കിയെന്ന ഫോറന്&zwj;സിക് റിപ്പോര്&zwj;ട്ട് സമര്&zwj;പ്പിക്കുമെന്ന് കരുതപ്പെടുന്നു. ഗാന്ധിനഗറിലെ നാഷണല്&zwj; ഫോറസന്&zwj;സിക് സയന്&zwj;സ് യൂണിവേഴ്&zwnj;സിറ്റി ഡീന്&zwj; നവീന്&zwj; കുമാര്&zwj; ചൗധരി, അമൃത വിദ്യാപീഠത്തിലെ പ്രൊഫസര്&zwj; പി പ്രഭാകരന്&zwj;, ഐഐടി മുംബെയില്&zwj; നിന്നുള്ള ഡോ. അശ്വിന്&zwj; അനില്&zwj; ഗുമസ്&zwnj;തേ എന്നിവരടങ്ങുന്ന സമിതിയുടെ മേല്&zwj;നോട്ട ചുമതല വിരമിച്ച സുപ്രീം കോടതി ജഡ്ജി ജസ്റ്റിസ് ആര്&zwj;വി രവീന്ദ്രനാണ്. RAW യുടെ മുന്&zwj;തലവന്&zwj; അലോക് ജോഷിയും, TCS ന്റെ ആഗോള സൈബര്&zwj; സെക്യൂരിറ്റി സര്&zwj;വീസ്സസ് മേധാവി സന്ദീപ് ഒബ്&zwnj;റോയി എന്നിവര്&zwj; ജസ്റ്റിസ് രവീന്ദ്രനെ സഹായിക്കുന്നതാണ്. എത്രയും വേഗം റിപ്പോര്&zwj;ട്ട് സമര്&zwj;പ്പിക്കണമെന്നാണ് ഒക്ടോബര്&zwj; 27 ന് പുറപ്പെടുവിച്ച സുപ്രീം കോടതി ഉത്തരവ്. കേസ്സ് എട്ട് ആഴ്ചകള്&zwj;ക്കു ശേഷം വീണ്ടും പരിഗണിക്കുമെന്നും കോടതി അന്നത്തെ ഉത്തരവില്&zwj; വ്യക്തമാക്കിയിരുന്നു.

&nbsp;

ഇന്ത്യയടക്കമുള്ള നിരവധി രാജ്യങ്ങള്&zwj; ഇസ്രായേലിലെ NSO Group നിര്&zwj;മിച്ച ചാര സോഫ്റ്റ്&zwnj;വയര്&zwj; സമൂഹത്തിന്റെ വിവിധ തുറകളിലുള്ളവരെ ഡിജിറ്റല്&zwj; നിരീക്ഷണ വലയത്തിലാക്കുവാന്&zwj; ഉപയോഗിച്ചുവെന്ന വാര്&zwj;ത്ത വളരെ വിവാദമായിരുന്നു. രാഷ്ട്രീയ നേതാക്കള്&zwj;, മനുഷ്യാവകാശ പ്രവര്&zwj;ത്തകര്&zwj;, മാധ്യമ പ്രവര്&zwj;ത്തകര്&zwj;, സോഷ്യല്&zwj; ആക്ടിവിസ്റ്റുകള്&zwj; തുടങ്ങിയ വിവിധ തുറകളിലുള്ളവരുടെ മൊബൈല്&zwj; ഫോണുകളില്&zwj; പെഗാസ്സസ് ഉപയോഗപ്പെടുത്തി കയറി പറ്റുകയും അതുവഴി അവരുടെ ആശയവിനിമയങ്ങളും, മറ്റു ബന്ധങ്ങളും നിരന്തരം നിരീക്ഷണ വലയത്തിലാക്കുകയും ചെയ്ത സംഭവം ആഗോളതലത്തില്&zwj; വിവാദം സൃഷ്ടിച്ച വാര്&zwj;ത്തയായിരുന്നു. പെഗാസ്സസുമായി ബന്ധപ്പെട്ട വിവരമൊന്നും ഔദ്യോഗികമായി സ്ഥിരീകരിക്കുവാന്&zwj; എന്നാല്&zwj; കേന്ദ്ര സര്&zwj;ക്കാര്&zwj; തയ്യാറല്ല. ദേശീയ സുരക്ഷയുമായി ബന്ധപ്പെട്ട വിഷയമാണെന്ന ന്യായമാണ് സര്&zwj;ക്കാര്&zwj; നല്&zwj;കുന്ന വിശദീകരണം. സര്&zwj;ക്കാരിന്റെ നിയന്ത്രണത്തിലുള്ള ഏജന്&zwj;സികള്&zwj;ക്കല്ലാതെ ചാര സോഫ്റ്റ്&zwnj;വയര്&zwj; തങ്ങള്&zwj; കൈമാറുന്ന പതിവില്ലെന്ന് പെഗാസ്സസിന്റെ നിര്&zwj;മ്മാതാക്കളായ NSO ഗ്രൂപ്പ് വ്യക്തമാക്കിയിരുന്നു. പെഗാസ്സസിന്റെ നിര്&zwj;മാതാക്കളുടെ വാദം ശരിയാണെങ്കില്&zwj; പ്രസ്തുത ഉല്&zwj;പ്പന്നം ഇന്ത്യയില്&zwj; വാങ്ങാനും, ഉപയോഗിക്കാനും ആരാണ് അനുമതി നല്&zwj;കിയതെന്ന വിവരങ്ങള്&zwj; സര്&zwj;ക്കാരിന് നല്&zwj;കേണ്ടി വരും. ദേശ സുരക്ഷയുടെ മറവില്&zwj; എന്തും ആകാമെന്ന ധാരണ ശരിയല്ലെന്ന് സുപ്രീം കോടതി ഉത്തരവില്&zwj; രേഖപ്പെടുത്തിയതിന്റെ പശ്ചാത്തലത്തില്&zwj; വില്&zwj;സണെ പോലുളളവരുടെ ഫോണ്&zwj; ചോര്&zwj;ത്തല്&zwj; കോടതി നിയോഗിച്ച അന്വേഷണ സമിതി ഗൗരവമായി പരിഗണിക്കുമെന്ന് കരുതുന്നു. ദല്&zwj;ഹി സര്&zwj;വകലാശാല അദ്ധ്യപകനും മലയാളിയുമായ പ്രൊഫ. ഹാനി ബാബു, പ്രശസ്ത കവി വരവരറാവു, മാനേജ്&zwnj;മെന്റ് വിദഗ്ധനും എഴുത്തുകാരനുമായ ആനന്ദ് തെല്&zwj;തുംബ്&zwnj;ഡെ, പത്രപ്രവര്&zwj;ത്തകനായ ഗൗതം നാവ്ഖാല തുടങ്ങിയവരും ഈ കേസ്സിലെ കുറ്റാരോപിതരായി തടങ്കലിലാണ്. 80 വയസ്സു കഴിഞ്ഞ വരവര റാവുവിനും, കുറച്ചു ദിവസങ്ങള്&zwj;ക്ക് മുമ്പ് സുധ ഭരദ്വാജിനും ജാമ്യം ലഭിച്ചതാണ് കേസ്സുമായി ബന്ധപ്പെട്ട് ഇതുവരെയുണ്ടായ ആശ്വാസകരമായ കാര്യം.

&nbsp;

&nbsp;

&nbsp;

&nbsp;

&nbsp;

&nbsp;