കേരളത്തിന്റെ തനത് പാട്ട് വഴിയായാണ് മാപ്പിളപ്പാട്ടിനെ നമുക്ക് അറിയുക.ഏറെ  ജനപ്രിയമായ ഒരു വഴി. ഏറെയും മലബാര്‍ മേഖലയുമായി ബന്ധപ്പെടുത്തി കേരളം അറിഞ്ഞിട്ടുള്ളത്. മാപ്പിളപ്പാട്ടിന് തമിഴ് ഭാഷയുമായി ബന്ധമുണ്ടോ?, ഉണ്ടെങ്കില്‍ എത്രത്തോളമാണ് അത്? നേരത്തെ അധികം അന്വേഷിച്ച് കണ്ടിട്ടില്ലാത്ത ആ ഭാഗത്തേക്ക് ശ്രദ്ധ തിരിക്കുകയാണ് മനോജ് കുറൂര്‍. കേരളത്തിനും മലയാളഭാഷയ്ക്കും നേരത്തെ മുതല്‍ തമിഴ്ഭാഷയോടുള്ള അവിഭാജ്യ ബന്ധത്തിന്റെ വ്യക്തമായ തെളിവുകള്‍ മാപ്പിളപ്പാട്ടുകളിലും കാണാമെന്ന് അദ്ദേഹം പറയുന്നു. പ്രാചീന തമിഴ് , പില്‍ക്കാല തമിഴ് പാരമ്പര്യങ്ങളുടെയും പ്രവാചകപൂര്‍വ്വവും പ്രവാചകന് ശേഷവുമുള്ള  അറേബ്യന്‍ പാരമ്പര്യത്തിന്റെയും മാത്രമല്ല,  പില്‍ക്കാല മലയാളഭാഷയുടെയും, ഉത്തരേന്ത്യന്‍ രീതികളുടെയും ചേര്‍ച്ച അറിയാനാകുന്ന  വിപുലമായൊരു സാഹിത്യ/സംഗീതശാഖയായിത്തന്നെ മാപ്പിളപ്പാട്ടിനെ കാണാം. മാപ്പിളപ്പാട്ട് എന്ന കലയുടെ തമിഴ് പാരമ്പര്യത്തെയാണ് ഈ വീഡിയോയില്‍ പരിശോധിക്കുന്നത്.

മാപ്പിളപ്പാട്ടുകളും പഴയകാല തമിഴ് സാഹിത്യകൃതികളും പരിശോധിച്ചും വിശകലനം ചെയ്തും അറിഞ്ഞ മാപ്പിളപ്പാട്ടിന്റെ തമിഴ് വഴികളെയും വേരുകളെയും കുറിച്ച് അദ്ദേഹത്തിന്റെ വിശദമായ സംഭാഷണത്തിന്റെ ഒന്നാം ഭാഗം