ഇന്തോനേഷ്യയിലെ സുമാത്ര ദ്വീപിൽ കനത്ത മഴയെ തുടർന്ന് പെട്ടെന്നുള്ള വെള്ളപ്പൊക്കവും മണ്ണിടിച്ചിലുമുണ്ടായി. ഇതിൽ കുറഞ്ഞത് 10 പേർ മരണപ്പെടുകയും  ആറ് പേരെ കാണാതാവുകയും ചെയ്തതായി ബുധനാഴ്ച  പോലീസ് പറഞ്ഞു.

കഴിഞ്ഞ ഒരാഴ്ചയായി പെയ്ത മഴയിൽ നദികൾ കരകവിഞ്ഞൊഴുകുകയും, മരങ്ങൾ  കടപുഴകി വീഴുകയും, നാശനഷ്ടങ്ങൾ വിതയ്ക്കുകയും ചെയ്തതിനെ തുടർന്ന്, വടക്കൻ സുമാത്ര പ്രവിശ്യയിലെ ആറ് റീജിയണുകളിലെ ദുരിതബാധിത പ്രദേശങ്ങളിൽ എത്തിച്ചേരാൻ രക്ഷാപ്രവർത്തകർ പാടുപെടുകയാണെന്ന് നാഷണൽ പോലീസ് പ്രസ്താവനയിൽ പറഞ്ഞു.

ബുധനാഴ്ചയോടെ ഏറ്റവും കൂടുതൽ നാശനഷ്ടമുണ്ടായ സിബോൾഗ നഗരത്തിൽ നിന്ന് രക്ഷാപ്രവർത്തകർ കുറഞ്ഞത് അഞ്ച് മൃതദേഹങ്ങളും പരിക്കേറ്റ മൂന്ന് പേരെയും കണ്ടെടുത്തതായും കാണാതായതായി റിപ്പോർട്ട് ചെയ്യപ്പെട്ട നാല് ഗ്രാമീണർക്കായി തിരച്ചിൽ നടത്തിയതായും പ്രസ്താവനയിൽ പറയുന്നു. അയൽ ജില്ലയായ സെൻട്രൽ തപനുലിയിൽ, മണ്ണിടിച്ചിലിൽ നിരവധി വീടുകൾ തകർന്നു, കുറഞ്ഞത് നാല് പേരടങ്ങുന്ന ഒരു കുടുംബം മരിച്ചു, വെള്ളപ്പൊക്കത്തിൽ ഏകദേശം 2,000 വീടുകളും കെട്ടിടങ്ങളും മുങ്ങി.