ഗാസ യുദ്ധത്തിന്റെ ഒരു വർഷം

ലോകം ഗാസ യുദ്ധത്തിന് മുമ്പും പിമ്പും എന്നൊരു കാലഗണന ചരിത്രത്തിന്റെ ഭാഗമായി. കഴിഞ്ഞ ഒരു വർഷമായി ഗാസയിലും സെപ്റ്റംബർ മുതൽ ലെബനണിലും നടക്കുന്ന ആക്രമണങ്ങൾ ഒരു മൂന്നാം ലോക യുദ്ധത്തിന്റെ വക്കിൽ ലോകത്തെ എത്തിച്ചിരിക്കുന്നു. ഇസ്രായേൽ-പലസ്തീൻ സംഘർഷത്തിന്റെ ചരിത്രവും രാഷ്ട്രീയവും വിശദീകരിക്കുന്ന രണ്ട് അഭിമുഖ സംഭാഷണങ്ങൾ, സംഘർഷത്തെ സംബന്ധിച്ച മാധ്യമ ഉള്ളടക്കങ്ങളുടെ സ്വഭാവം, യുദ്ധം വിതക്കുന്ന പരിസ്ഥിതി വിനാശം എന്നിവ മലബാർ ജേർണൽ പ്രസിദ്ധീകരിക്കുന്നു. ബദൽ മാധ്യമങ്ങൾ എന്നറിയപ്പെടുന്ന പ്രസിദ്ധീകരണങ്ങളിൽ നിന്നും തിരഞ്ഞെടുക്കപ്പെട്ട ഉള്ളടക്കം ഇസ്രായേൽ-പലസ്തീൻ സംഘർഷത്തെ കുറിച്ചും ഇപ്പോഴത്തെ ഭൗമ രാഷ്ട്രീയ സാഹചര്യങ്ങളെ പറ്റിയും വേറിട്ട  വീക്ഷണം പങ്കു വയ്ക്കുന്നു.

ഏകദേശം ഇരുപത് വർഷങ്ങൾക്ക് മുമ്പ് ഇസ്രായേലിനെ അക്കാദമികവും സാംസ്‌കാരികവുമായി  ബഹിഷ്‌കരിക്കണമെന്ന പലസ്തീന് കാമ്പെയ്‌നിനെക്കുറിച്ച് ആദ്യമായി കേട്ടപ്പോ, അത് തികച്ചും അർത്ഥവത്താണെന്ന് ഞാന്‍ കരുതി. ഇസ്രായേലിനുമേൽ അന്താരാഷ്ട്ര സമ്മര്‍ദ്ദം ചെലുത്താനുള്ള ഒരു മാര്‍ഗം അതായിരുന്നു. പലസ്തീന്‍ ജനതയെ ഇസ്രായേല്‍ ദ്രോഹം തടയാന്‍ മനസ്സാക്ഷിയുള്ളവര്‍ക്ക് ഉചിതമായ സമാധാനപരമായ ഒരു മാര്‍ഗം.

എന്നെ സംബന്ധിച്ചിടത്തോളം വര്‍ണ്ണവിവേചനം ഇല്ലാതാക്കാന്‍ ദക്ഷിണാഫ്രിക്കന്‍ സര്‍ക്കാരിനെ നിര്‍ബന്ധിക്കാനുള്ള ശ്രമങ്ങള്‍ക്ക് സമാനമാണ് ഇസ്രായേലിനെ ബഹിഷ്‌കരിക്കാനും, നിക്ഷേപങ്ങള്‍ പിന്‍വലിക്കാനും, ഉപരോധം ഏര്‍പ്പെടുത്താനുള്ള പ്രചാരണവും മറ്റ് ആഹ്വാനങ്ങളും. രണ്ട് കേസുകളിലെയും സമാനത അനീതികള്‍ കണക്കിലെടുക്കുമ്പോള്‍, ദക്ഷിണാഫ്രിക്കന്‍ വര്‍ണ്ണവിവേചനത്തിനെതിരായ ഉപരോധത്തെ പിന്തുണച്ച ഒരാള്‍ക്ക് ഇസ്രായേലിനെതിരായ ഉപരോധത്തെ എങ്ങനെ എതിര്‍ക്കാന്‍ കഴിയും?

പക്ഷെ ഇസ്രായേല്‍ അനുകൂല ലോബിയിംഗ് ഗ്രൂപ്പുകളുടെ ശക്തിയെയും മിഡില്‍ ഈസ്റ്റിലെ സാമ്രാജ്യത്വത്തിന്റെ ഒരു താവളമായ ഇസ്രായേലിനെ സംരക്ഷിക്കാനുള്ള യുഎസ് ഭരണവര്‍ഗത്തിന്റെ പ്രതിബദ്ധതയെയും ഞാന് വിലകുറച്ചു കണ്ടു. പുരോഗമന, മത, വിദ്യാര്‍ത്ഥി ഗ്രൂപ്പുകളില്‍ നിന്ന് പിന്തുണ നേടുന്നതില്‍ കൈവരിച്ച ആദ്യകാല വിജയങ്ങള്‍ക്ക് ശേഷം, ബഹിഷ്‌കരണം, നിക്ഷേപം പിന്‍വലിക്കല്‍, ഉപരോധങ്ങള്‍ എന്നിവയ്ക്കുള്ള പ്രസ്ഥാനം ഇസ്രായേല്‍ അനുകൂലികളുടെ തിരിച്ചടിക്ക് വിധേയമായി.

ഇസ്രായേല്‍ അനുകൂല ഗ്രൂപ്പുകളും ഇസ്രായേല്‍ സര്‍ക്കാരും യുഎസില്‍ അവരുടെ പ്രചാരണ ശ്രമങ്ങള്‍ വര്‍ദ്ധിപ്പിച്ചു. ബിഡിഎസ് പ്രസ്ഥാനത്തെ അന്യായമായി വിവേചനപരവും ഇസ്രായേലിനെ അപകീര്‍ത്തിപ്പെടുത്തുന്നതും സര്‍വോപരി ജൂതവിരുദ്ധവുമാണെന്ന് ചിത്രീകരിക്കാന്‍ ശ്രമിച്ചു. ഇസ്രായേലിനെ ബഹിഷ്‌കരിക്കുന്നത് നിയമവിരുദ്ധമാക്കുന്ന നിയമങ്ങള്‍ സംസ്ഥാന നിയമസഭകള്‍ ഉടന്‍ പാസാക്കാന്‍ തുടങ്ങി. ഇന്ന്, മുപ്പത്തിയെട്ട് സംസ്ഥാനങ്ങളുടെ പുസ്തകങ്ങളില്‍ ബിഡിഎസ് വിരുദ്ധ നിയമങ്ങളുണ്ട്. പുരോഗമാനത്തിന്റെ നേര്‍വിപരീതമാണ് അതെന്നു തോന്നുന്നു.

ഒരു പ്രൊഫസര്‍ എന്ന നിലയില്‍, ഇസ്രായേലിനെ ബഹിഷ്‌കരിക്കുന്നത് അക്കാദമിക് സ്വാതന്ത്ര്യത്തിന് ഭീഷണിയാണെന്ന വാദത്തോട് എനിക്ക് പൊരുതേണ്ടിവന്നു.1980 കളില്‍ ദക്ഷിണാഫ്രിക്കയെ ബഹിഷ്‌കരിക്കുന്നതിനെ പിന്തുണച്ചിരുന്ന, വര്‍ഷങ്ങളായി ഞാന്‍ അംഗമായിരുന്ന അമേരിക്കന്‍ അസോസിയേഷന്‍ ഓഫ് യൂണിവേഴ്‌സിറ്റി പ്രൊഫസര്‍സ് (എഎയുപി), ബഹിഷ്‌കരണത്തെ എതിര്‍ത്തു. 2006 ലെ ഒരു പ്രസ്താവനയില്‍ എഎയുപി പ്രകടിപ്പിച്ച  നിലപാട് അക്കാദമിക് ബഹിഷ്‌കരണങ്ങള്‍ മോശമാണെന്നും പൊതുനന്മയെ സേവിക്കുന്ന അറിവിന്റെ സ്വതന്ത്ര സൃഷ്ടിയെയും കൈമാറ്റത്തെയും അത് തടസ്സപ്പെടുത്തും എന്നായിരുന്നു. ഉപരിപ്ലവമായി അത് വിശ്വസനീയമായി തോന്നാം. പക്ഷേ എന്റെ ബോധ്യം അതായിരുന്നില്ല.

^{മൈക്കല്‍ ഷ്വാള്‍ബെ | PHOTO: FACEBOOK}
ഇസ്രായേലിന്റെ ബഹിഷ്‌കരണത്തെ ഞാന്‍ പിന്തുണയ്ക്കാനുള്ള ഒരു കാരണം അത് വ്യക്തികളെയല്ല, സ്ഥാപനങ്ങളെയാണ് ലക്ഷ്യം വച്ചുള്ളതെന്നതാണ്. പലസ്തീന് ജനതയെ അടിച്ചമര്‍ത്തുന്നതില്‍ ഒരു തരത്തില്‍ അല്ലെങ്കില്‍ മറ്റൊരു തരത്തില്‍ പങ്കാളികളായ ഇസ്രായേലി സ്ഥാപനങ്ങളുമായുള്ള സഹകരണം നിരസിക്കുക എന്നതായിരുന്നു ലക്ഷ്യം. മായ വിന്‍ഡ് തന്റെ 2024 ലെ പുസ്തകമായ ടവേഴ്‌സ് ഓഫ് ഐവറി ആന്‍ഡ് സ്റ്റീലില്‍ രേഖപ്പെടുത്തുന്നതുപോലെ, അന്നും ഇന്നും മിക്ക ഇസ്രായേലി സര്‍വകലാശാലകളും ഇതില്‍ ഉള്‍പ്പെടും.

എന്നെ സംബന്ധിച്ചിടത്തോളം, ബഹിഷ്‌കരണം അന്യായമായ തൊഴില്‍ സമ്പ്രദായങ്ങളില്‍ ഏര്‍പ്പെട്ടിരിക്കുന്ന ഒരു കമ്പനിയുമായി ബിസിനസ്സ് ചെയ്യാന്‍ വിസമ്മതിക്കുന്നതിന് തുല്യമാണെന്ന് തോന്നി. ഒരു പിക്കറ്റ് ലൈന്‍ സംഘടിപ്പിക്കുകയും അത് മുറിച്ചുകടക്കരുതെന്ന് മറ്റുള്ളവരോട് ആവശ്യപ്പെടുകയും ചെയ്യുന്നത് പോലെ. ഒരു കമ്പനി ഉപയോഗപ്രദമായ ഉല്‍പ്പന്നങ്ങള്‍ നിര്‍മ്മിക്കുകയാണെങ്കില്‍ പോലും, തൊഴിലാളികളോട് മോശമായി പെരുമാറിയതിന് അത് എപ്പോഴും പിക്കറ്റ് അര്‍ഹിക്കുന്നു. അതുപോലെ ഇസ്രായേലും.

സ്ഥാപനങ്ങളെ ബഹിഷ്‌കരിക്കുന്നത് ആത്യന്തികമായി വ്യക്തികളുടെ അക്കാദമിക് സ്വാതന്ത്ര്യത്തെ ബാധിക്കുമെന്ന് ബഹിഷ്‌കരണത്തെ വിമര്‍ശിക്കുന്നവര്‍ വാദിച്ചത് ശരിയാണ്. ഉദാഹരണത്തിന്, ബഹിഷ്‌കരണം യുഎസ് ആസ്ഥാനമായുള്ള അക്കാദമിക് വിദഗ്ധര്‍ക്ക് ഇസ്രായേലി സര്‍വകലാശാലകളിലെ അക്കാദമിക് വിദഗ്ധരുമായി സഹകരിക്കുന്നത് ബുദ്ധിമുട്ടാക്കും. അത് സത്യമായിരുന്നു; അത്തരം കേസുകള്‍ ഉണ്ടാകാം. അക്കാദമിക് സ്വാതന്ത്ര്യത്തിനുള്ള ഭീഷണികളേക്കാള്‍ കരിയറിസത്തിന് സംഭവിക്കുന്ന ചെറിയ തടസ്സങ്ങള്‍ മാത്രമാണ് അവ.

മാത്രമല്ല, ബഹിഷ്‌കരണത്തിന്റെ വക്താക്കള്‍ എല്ലായിടത്തും, എല്ലാ സര്‍വകലാശാലകളിലും അക്കാദമിക് വിദഗ്ധര്‍, ഗവേഷണം, അധ്യാപനം, മ്യൂറല്‍ ആവിഷ്‌കാരം എന്നിവയില്‍ സ്വാതന്ത്ര്യം ആസ്വദിക്കണമെന്ന് പറയുന്നതില്‍ ഒരിക്കലും വിട്ടുവീഴ്ച ചെയ്തിരുന്നില്ല.  വാസ്തവത്തില്‍, അക്കാദമിക് സ്വാതന്ത്ര്യത്തോടുള്ള ഈ പ്രതിബദ്ധത എന്നെ സംബന്ധിച്ചിടത്തോളം ബഹിഷ്‌കരണത്തിനുള്ള ഏറ്റവും നല്ല കാരണത്തിന് അടിവരയിടുന്നതായിരുന്നു. ഇസ്രായേലി സര്‍വകലാശാലകളും വാസ്തവത്തില്‍ ഇസ്രായേല്‍ സര്‍ക്കാരും പലസ്തീന്‍ പണ്ഡിതരുടെയും വിദ്യാര്‍ത്ഥികളുടെയും അക്കാദമിക് സ്വാതന്ത്ര്യം നിഷേധിക്കുന്നതില്‍ പങ്കാളികളായിരുന്നു.

ഇസ്രായേലി സര്‍വകലാശാലകളിലെ ഫാക്കല്‍റ്റികള്‍ അവരുടെ ജോലിയില്‍ അക്കാദമിക് സ്വാതന്ത്ര്യം ആസ്വദിക്കണമെന്ന കാര്യത്തില്‍ തര്‍ക്കമില്ല. അത് അങ്ങനെ തന്നെയാവാണം. (ഞാന്‍ പിന്നീട് മനസ്സിലാക്കിയതുപോലെ, പലസ്തീന്‍ അവകാശങ്ങള്‍ക്കായി പോരാടുന്ന ഫാക്കല്‍റ്റികളുടെ കാര്യത്തില്‍ ഇപ്പറഞ്ഞ സ്വാതന്ത്ര്യം അത്ര നന്നായി പ്രവര്‍ത്തിക്കുന്നില്ലെങ്കിലും). എന്നാല്‍ ഈ സ്വാതന്ത്ര്യം പലസ്തീന്‍ ഫാക്കല്‍റ്റിയുടെയും വിദ്യാര്‍ത്ഥികളുടെയും ചെലവില്‍ വരേണ്ടതുണ്ടോ? എന്തുകൊണ്ടാണ് ഈ ഗ്രൂപ്പിന്റെ അക്കാദമിക് സ്വാതന്ത്ര്യം അപ്രധാനമായി തരംതാഴ്ത്തപ്പെട്ടത്?

നിയമവിരുദ്ധമായ അധിനിവേശത്തില്‍ നിന്ന് സ്വതന്ത്രരായിരിക്കാനും അക്രമത്തില്‍ നിന്നും വര്‍ണ്ണ വിവേചനത്തില്‍ നിന്നും മുക്തരാകാനുമുള്ള പലസ്തീന്‍ ജനതയുടെ അവകാശങ്ങള്‍ ഉള്‍പ്പെടെയുള്ള എല്ലാ ധാര്‍മ്മിക പരിഗണനകളേക്കാളും ചില യുഎസ്, ഇസ്രായേല്‍ ഫാക്കല്‍റ്റികളുടെ അക്കാദമിക് സ്വാതന്ത്ര്യത്തിന് മുന്‍ഗണന നല്‍കിയ ധാര്‍മ്മികതയുടെ കാല്‍ക്കുലസ് എനിക്ക് അംഗീകരിക്കാന്‍ കഴിയുന്നില്ല.

ഇസ്രായേലിന്റെ കാര്യത്തില്‍, ബഹിഷ്‌കരണത്തോടുള്ള എഎയുപിയുടെ എതിര്‍പ്പ് തെറ്റാണെന്ന് ഞാന്‍ കരുതി. അമൂര്‍ത്തമായ തലത്തില്‍ അക്കാദമിക് സ്വാതന്ത്ര്യത്തെ വിലമതിക്കുന്നിടത്തോളം, പ്രധാനമാണ് ചില നിശ്ചിത സാഹചര്യങ്ങളില്‍ ബഹിഷ്‌കരണവും ആവശ്യമാണെന്ന് ഞാന്‍ കരുതുന്നു. യുഎസ്, ഇസ്രായേല്‍ എന്നിവിടങ്ങളിലെ  പ്രിവിലേജിഡായ ഫാക്കല്‍റ്റികള്‍ക്ക് ഉണ്ടാകുന്ന അസൗകര്യങ്ങളെക്കാള്‍ വേണ്ടത് വലിയ അനീതികള്‍ക്കുള്ള പരിഹാരമാണ്. സമാധാനപരമായ ബഹിഷ്‌കരണം. കുടിയൊഴിപ്പിക്കപ്പെട്ടവരും അടിച്ചമര്‍ത്തപ്പെട്ടവരുമായ ഒരു ജനതയുടെ കഷ്ടപ്പാട് അവസാനിപ്പിക്കാന്‍ സഹായിക്കുമെങ്കില്‍, അത് ശരിയായ കാര്യമാണ്.

^{REPRESENTATIVE IMAGE | WIKI COMMONS}
ഇന്ന്, ഗാസയില്‍ പലസ്തീനികള്‍ക്കേതിരായ ഇസ്രായേല്‍ വംശഹത്യയ്ക്ക് സാക്ഷ്യം വഹിച്ച് ഒരു വര്‍ഷത്തിന് ശേഷം, സ്ഥിതിഗതികള്‍  മാറി, ഇപ്പോള്‍ ഏറ്റവും വലിയ ധാര്‍മ്മിക അനിവാര്യതയെക്കുറിച്ചുള്ള പലരുടെയും കാഴ്ചപ്പാടുകള്‍ മാറി. പലസ്തീനില്‍ സംഭവിച്ചുകൊണ്ടിരിക്കുന്ന കാര്യങ്ങളോടുള്ള പ്രതികരണമായി, എഎയുപി അതിന്റെ നിലപാട് പരിഷ്‌കരിച്ചു. എഎയുപിയുടെ ദേശീയ കൗണ്‍സില്‍ അടുത്തിടെ അംഗീകരിച്ച ഒരു പുതിയ പ്രസ്താവന അക്കാദമിക് ബഹിഷ്‌കരണങ്ങളെ പൂര്‍ണ്ണമായും എതിര്‍ക്കുന്നില്ല.

അതിന്റെ കരട് പതിപ്പ് തയ്യാറാക്കിയവര്‍ കഠിനമായി പരിശ്രമിച്ചതിനാല്‍, പുതിയ നയം പൊതുവെ അക്കാദമിക് ബഹിഷ്‌കരണത്തിന് ആഹ്വാനം ചെയ്യുന്നില്ല. മറിച്ച്, അക്കാദമിക് ബഹിഷ്‌കരണങ്ങള്‍ 'ഉന്നതവിദ്യാഭ്യാസ ദൗത്യവുമായി അടിസ്ഥാനപരമായി പൊരുത്തപ്പെടാത്ത സാഹചര്യങ്ങളോടുള്ള നിയമാനുസൃതമായ തന്ത്രപരമായ പ്രതികരണങ്ങളായി കണക്കാക്കാം' എന്ന് അത് വാദിക്കുന്നു. ചുരുക്കത്തില്‍, പലസ്തീന്‍ പണ്ഡിതരുടെയും വിദ്യാര്‍ത്ഥികളുടെയും അക്കാദമിക് സ്വാതന്ത്ര്യത്തെക്കുറിച്ച് ആശങ്കാകുലരായ നിരവധി എഎയുപി അംഗങ്ങള്‍ ഇരുപത് വര്‍ഷം മുമ്പ് ഉണ്ടായിരുന്നിടത്താണ് പുതിയ പ്രസ്താവന വരുന്നത്.

അക്കാദമിക് സ്വാതന്ത്ര്യത്തെയോ അക്കാദമിക് സ്വാതന്ത്ര്യത്തെ ആശ്രയിക്കുന്ന മൗലികാവകാശങ്ങളെയോ ലംഘിക്കുന്ന ഉന്നത വിദ്യാഭ്യാസ സ്ഥാപനങ്ങളെ ലക്ഷ്യമിട്ടുള്ള ബഹിഷ്‌കരണങ്ങള്‍ക്ക് ഇത് ബാധകമാണെന്നും പുതിയ പ്രസ്താവന വ്യക്തമാക്കുന്നു. 'അക്കാദമിക് ബഹിഷ്‌കരണങ്ങളെ പിന്തുണയ്ക്കാനോ എതിര്‍ക്കാനോ ഫാക്കല്‍റ്റി അംഗങ്ങളുടെ തിരഞ്ഞെടുപ്പുകള്‍ വിമര്‍ശിക്കപ്പെടുകയും ചര്‍ച്ച ചെയ്യപ്പെടുകയും ചെയ്യാം, അക്കാദമിക് ബഹിഷ്‌കരണങ്ങളില്‍ പങ്കെടുത്തതിന് ഫാക്കല്‍റ്റി അംഗങ്ങളും വിദ്യാര്‍ത്ഥികളും സ്ഥാപനപരമോ സര്‍ക്കാര്‍പരമോ ആയ സെന്‍സര്‍ഷിപ്പോ അച്ചടക്കമോ നേരിടരുത്, അങ്ങനെ ചെയ്യാന്‍ വിസമ്മതിച്ചതിന്, അല്ലെങ്കില്‍ അവര്‍ വിയോജിക്കുന്നവരുടെ തിരഞ്ഞെടുപ്പുകളെ വിമര്‍ശിക്കുകയും ചര്‍ച്ച ചെയ്യുകയും ചെയ്യരുത്.'

പ്രതീക്ഷിച്ചതുപോലെ, ഒരു സയണിസ്റ്റ് തിരിച്ചടി ഉണ്ടായിട്ടുണ്ട്. സയണിസത്തിന്റെ പ്രതിരോധത്തെ ജീവിതത്തിന്റെ അവസാനകാല കരിയറാക്കി മാറ്റിയ എഎയുപിയുടെ മുന്‍ പ്രസിഡന്റ് കാരി നെല്‍സണ്‍ പുതിയ പ്രസ്താവനയെ എഎയുപിയുടെ ദീര്‍ഘകാല തത്വങ്ങളോടുള്ള വഞ്ചനയായി അപലപിച്ചു. അന്താരാഷ്ട്ര നീതിന്യായ കോടതിയും അന്താരാഷ്ട്ര ക്രിമിനല്‍ കോടതിയും ഇസ്രായേലിനെതിരെ പുറപ്പെടുവിച്ച വിധികളില്‍ നിന്ന് മറ്റ് വിമര്‍ശകര്‍ അസ്വസ്ഥരാണെന്ന് തോന്നുന്നു.

എന്നാല്‍, ഗാസയെ ഇസ്രായേല്‍ തകര്‍ത്തതിന്റെയും അധിനിവേശ വെസ്റ്റ്ബാങ്കിലെ അതിന്റെ പുതുക്കിയ അക്രമ പരിപാടികളുടെയും, തെക്കന്‍ ലെബനനിലെ കൊലപാതകത്തിന്റെയും ബോംബാക്രമണത്തിന്റെയും പശ്ചാത്തലത്തില്‍ ഇത്തവണത്തെ തിരിച്ചടി ധാര്‍മ്മികമായി പാപ്പരായി എന്നതാണ് പുരോഗതിയുടെ ഒരു അടയാളം. ഈ പശ്ചാത്തലത്തില്‍, ഇസ്രായേലി ഫാക്കല്‍റ്റിക്കും അവരുടെ യുഎസ് സഹകാരികള്‍ക്കും അക്കാദമിക് സ്വാതന്ത്ര്യം അനിവാര്യമായും വളരെയധികം പ്രാധാന്യമുള്ള ഒരു 'പൊതുനന്മ' യാണെന്ന ആശയം അംഗീകരിക്കാന്‍ അധികം പേരെ കിട്ടില്ല. വംശഹത്യ സാധാരണമാണെന്നും ബഹിഷ്‌കരണത്തിന് അത് മതിയായ കാരണമല്ലെന്നും ഇസ്രായേലും ഇസ്രായേലി സര്‍വകലാശാലകളുമായും ബന്ധം തുടരണമെന്നും അധികം പേരും വാദിക്കാന്‍ ഇടയില്ല.

എന്നിരുന്നാലും, കഴിഞ്ഞ വര്‍ഷം ഇസ്രായേല്‍ നടത്തിയ ഭീകരത കണക്കിലെടുക്കുമ്പോള്‍, അക്കാദമിക് ബഹിഷ്‌കരണം, മുമ്പത്തേക്കാളും ആവശ്യമാണെങ്കിലും, അതൊരു കടുപ്പം കുറഞ്ഞ ചായയാണ്. സൈനിക സഹായം പൂര്‍ണ്ണമായും നിര്‍ത്തലാക്കന്നതും, ഇസ്രായേലില്‍ നിന്നുള്ള നിക്ഷേപം ആഗോളതലത്തില്‍ പിന്‍വലിക്കുന്നതും മാത്രമേ ഫലപ്രദമായ വ്യത്യാസം ഉണ്ടാക്കുകയുള്ളൂവെന്ന് തോന്നുന്നു. ഇസ്രായേലിലെ വലതുപക്ഷ തീവ്രവാദ നേതാക്കളെ അവരുടേതു പോലെ തുടരാനും വംശഹത്യ സാധാരണമാണെന്ന മട്ടില്‍ തുടരാനും അന്താരാഷ്ട്ര നിയമത്തിന് ഒരു അര്‍ത്ഥവുമില്ലാത്തതുപോലെ തുടരാനും അനുവദിക്കുന്ന ബദലുകള്‍ കൂടുതല്‍ കൂടുതല്‍ പ്രാദേശിക, ആഗോള യുദ്ധത്തിലേക്കുള്ള പാത പോലെ തോന്നുന്നു.

ഇസ്രായേലി സ്ഥാപനങ്ങളുടെ അക്കാദമിക് ബഹിഷ്‌കരണത്തെ അനുകൂലിച്ചും പ്രതികൂലിച്ചും യുഎസി-ല്‍ നടക്കുന്ന ഈ സംവാദങ്ങള്‍ സഹപ്രവര്‍ത്തകര്‍ കൊല്ലപ്പെടുകയും സ്‌കൂളുകള്‍ നശിപ്പിക്കപ്പെടുകയും ചെയ്ത പലസ്തീന്‍ പണ്ഡിതന്മാര്‍ക്കും വിദ്യാര്‍ത്ഥികള്‍ക്കും എങ്ങനെയാവും അനുഭവപ്പെടുകയെന്ന് ഞാന്‍ ആശ്ചര്യപ്പെടേണ്ടതുണ്ട്. അവരും അക്കാദമിക് സ്വാതന്ത്ര്യം ആഗ്രഹിക്കുന്നു, ഞാന്‍ കരുതുന്നു. അവരും സമാധാനത്തോടെ പ്രവര്‍ത്തിക്കാന്‍ ആഗ്രഹിക്കുന്നു. പ്രൊഫസര്‍മാരും വിദ്യാര്‍ത്ഥികളും ചെയ്യുന്നതുപോലെ ശാസ്ത്രം, മനുഷ്യാവസ്ഥ, ലോകത്തിന്റെ അവസ്ഥ എന്നിവയെക്കുറിച്ചുള്ള സിവില്‍ വ്യവഹാരത്തില്‍ ഏര്‍പ്പെടാന്‍ അവരും ആഗ്രഹിക്കുന്നു. സയണിസത്തിന്റെ യുഎസ് വക്താക്കളോടും അക്കാദമിക് ബഹിഷ്‌കരണങ്ങളെ എതിര്‍ക്കുന്നവരോടും അവര്‍ ചൂണ്ടിക്കാണിച്ചേക്കാവുന്ന ഒരു പ്രശ്‌നം, ഇസ്രായേല്‍ അവര്‍ക്ക് അത് ചെയ്യാന്‍ ഒരിടവും നല്‍കിയിട്ടില്ല എന്നതാണ്.

നോര്‍ത്ത് കരോലിന സ്റ്റേറ്റ് യൂണിവേഴ്‌സിറ്റിയിലെ സോഷ്യോളജി പ്രൊഫസറാണ് മൈക്കല്‍ ഷ്വാള്‍ബെ. MLSchwalbe@nc.rr.com അദ്ദേഹത്തെ ബന്ധപ്പെടാം.