തീവ്ര വലതുപക്ഷ ഭരണാധികാരിയായ പ്രസിഡന്റ് ഹാവിയർ മിലേയുടെ ഭരണത്തിന്റെ ആദ്യ ആറുമാസത്തിനുള്ളിൽ അർജൻ്റീനയുടെ ദാരിദ്ര്യ നിരക്ക് ഏതാണ്ട് 53 ശതമാനമായി ഉയർന്നു. ഹാവിയർ മിലേയുടെ ചെലവുചുരുക്കൽ നടപടികൾ ജനങ്ങളെ എങ്ങനെ ബാധിക്കുന്നു എന്നതിൻ്റെ തെളിവാണിത്. 

ഗവൺമെന്റിന്റെ  സ്ഥിതിവിവരക്കണക്ക് ഏജൻസി വ്യാഴാഴ്ച റിപ്പോർട്ട് ചെയ്ത പുതിയ ദാരിദ്ര്യ നിരക്ക് പ്രകാരം ഇത് രണ്ട് ദശാബ്ദക്കാലത്തെ ഏറ്റവും ഉയർന്ന ദാരിദ്ര്യനിരക്കാണ്. സാമ്പത്തികപ്രതിസന്ധിയിൽ നിന്ന് അർജന്റീന കരകയറിയെന്ന് വാദിക്കുമ്പോൾ 3.4 മില്യൺ അ‌ർജന്റീനക്കാരാണ് ദാരിദ്ര്യ പട്ടികയിലേക്ക് തള്ളപ്പെട്ടത്. ഡിസംബറിൽ അധികാരമേറ്റത് മുതൽ ചെലവ് ചുരുക്കലിനെ പ്രതിനിധീകരിക്കാൻ ഹാവിയർ ഒരു ഈർച്ചവാൾ ( ചെയിൻസോ) കൈയിലേന്തിയാണ് നടന്നിരുന്നത് പണപ്പെരുപ്പം നിയന്ത്രിക്കുന്നതിനും ബജറ്റ് കൃത്യമാക്കുന്നതിനുമെന്ന പേരിൽ കടുത്ത വെട്ടിക്കുറയ്ക്കൽ നടപടികളാണ് ഹാവിയർ സ്വീകരിച്ചത്.  

ഡിസംബറിൽ അധികാരമേറ്റത് മുതൽ,  "അനാർക്കോ- ക്യാപിറ്റിലിസ്റ്റ്" (സർക്കാർ പൊതുചെലവുകൾ, സേവനങ്ങൾ എന്നിവയിൽ നിന്നെല്ലാം ഒഴിവായി സ്വകാര്യ മേഖലയെ ഏൽപ്പിക്കണം എന്ന് വാദിക്കുന്നവർ) എന്ന് സ്വയം വിശേഷിപ്പിച്ചുകൊണ്ട് താൻ വരുത്തുന്ന വെട്ടിക്കുറവുകൾക്ക് പ്രതീകമായി കയ്യിൽ ഈർച്ചവാളുമായി (ചെയിൻസോ) ഹാവിയർ പ്രചാരണം നടത്തി - പണപ്പെരുപ്പം നിയന്ത്രിക്കുന്നതിനും ബജറ്റ് കമ്മി ഇല്ലാതാക്കുന്നതിനും എന്ന പേരിൽ  പൊതുചെലവ് ഗണ്യമായി വെട്ടിക്കുറച്ചു.

ഈ വെട്ടിക്കുറവുമായി ബന്ധപ്പെട്ട് പെൻഷനുകൾ മരവിപ്പിക്കുകയും പണമില്ലാത്തവർക്കും ഭവനരഹിതർക്കും സൗജന്യ ഭക്ഷണം നൽകുന്ന സംവിധാനത്തിനുള്ള  സഹായം വെട്ടിചുരുക്കി, ക്ഷേമപദ്ധതികൾ വെട്ടിക്കുറയ്ക്കുകയും എല്ലാത്തരത്തിലുള്ള പൊതുപദ്ധതികൾ നിർത്തിവയ്ക്കുകയും ചെയ്തു. പതിനായിരത്തോളം ജീവനക്കാരെ ജോലിയിൽ നിന്ന് പിരിച്ചുവിട്ടു. കൂടാതെ ഊ‌‌ർജ്ജ ​ഗതാ​ഗത സബ്സിഡികൾ കുറയ്ക്കുകയും ചെയ്തത് ജനങ്ങളുടെ ചെലവുകൾ വർദ്ധിപ്പിച്ചിരുന്നു. ഇതോടെ ജനങ്ങളുടെ വാങ്ങൽ ശേഷി കുത്തനെ കുറഞ്ഞു.

ദാരിദ്ര്യ നിരക്കിലെ കുത്തനെയുള്ള ഈ വർദ്ധന തികച്ചും ഭയാനകമാണെന്ന്  ലണ്ടൻ സ്കൂൾ ഓഫ് ഇക്കണോമിക്സ് ആൻഡ് പൊളിറ്റിക്കൽ സയൻസിലെ ലാറ്റിനമേരിക്കൻ വിദഗ്ധയായ കിർസ്റ്റൺ സെഹൻബ്രൂച്ച് അഭിപ്രായപ്പെട്ടു. ദാരിദ്ര്യനിരക്കിൽ ഇത്രയും വലിയ വർദ്ധന താൻ കണ്ടിട്ടില്ല. ഈ പുതിയ സാമ്പത്തിക പരിപാടി പാവപ്പെട്ടവരെ സംരക്ഷിക്കുന്നതല്ലെന്നും അവർ പറഞ്ഞു. 

അർജന്റീനയ്ക്ക്  43 ബില്യൺ ഡോളർ കടം നൽകിയിരിക്കുന്ന അന്താരാഷ്ട്ര നാണയ നിധി ( ഐ എം എഫ്) യെയും വിപണിയെയും നിക്ഷേപകരെയും മിലേയുടെ നയങ്ങൾ സന്തോഷിപ്പിക്കുന്നു. ഡിസംബറിൽ പ്രതിമാസ പണപ്പെരുപ്പം 23 ശതമാനമായിരുന്നത് ജൂൺ ആയപ്പോഴേക്കും നാല് ശതമാനമായി കുറഞ്ഞു. എന്നാൽ വാർഷിക പണപ്പെരുപ്പം ഇപ്പോഴും 230 ശതമാനത്തിന് മുകളിലാണ് നിൽക്കുന്നത്. ഇത് ലോകത്തെ ഏറ്റവും ഉയർന്ന പണപ്പെരുപ്പ നിരക്കുകളിലൊന്നാണ്. 

മൂന്ന് ജോലി ചെയ്തിട്ടും രണ്ടറ്റം കൂട്ടിമുട്ടിക്കാൻ പറ്റുന്നില്ല, പണം ഒന്നിനും തികയുന്നില്ല. സാൻ്റാ ഫെയിൽ നിന്നുള്ള കമ്മ്യൂണിറ്റി പ്രവർത്തകയായ മരിയ ക്ലോഡിയ അൽബോർനോസ് പറഞ്ഞു, 33 കാരിയായ കാറ്റലീനയ്ക്ക്  നീതിന്യായ മന്ത്രാലയത്തിലെ ജോലി ഉടൻ നഷ്ടപ്പെടുമെന്ന് കഴിഞ്ഞ ആഴ്ച അറിയിച്ചതായി പറഞ്ഞു. കഴിഞ്ഞ ആഴ്ച ഞങ്ങളിൽ 2,500 പേരെ ഈ വർഷാവസാനത്തോടെ  ജോലിയിൽ നിന്ന് പുറത്താക്കുമെന്ന് പറഞ്ഞിരുന്നു, ഒരുപിടി 'ഭാഗ്യവാന്മാർ' ഒഴികെ പകുതി പണത്തിന് അതേ സമയം ജോലിയിൽ തുടരാൻ വാഗ്ദാനം ചെയ്യും . “ഞാൻ മാസങ്ങളായി മറ്റൊരു ജോലി അന്വേഷിക്കുന്നു, പക്ഷേ ജോലിയില്ല. ഞാനത് എങ്ങനെ ഉണ്ടാക്കുമെന്ന് എനിക്കറിയില്ല. ഇത് ഭയപ്പെടുത്തുന്നതാണ്. ”കാറ്റലീന പറയുന്നു. 

പണപ്പെരുപ്പം നിയന്ത്രിക്കുമ്പോൾ സാമ്പത്തിക തകർച്ച സാധാരണമാണെന്ന് ബ്രസീലിലെയും ബൊളീവിയയിലെയും സമാനമായ ചരിത്രപരമായ പ്രതിസന്ധികളിലേക്ക് വിരൽ ചൂണ്ടിക്കൊണ്ട്  ലാറ്റിനമേരിക്കയിലെ ചഥം(chatham) ഹൗസിലെ സീനിയർ ഫെല്ലോ ക്രിസ്റ്റഫർ സബാറ്റിനി പറഞ്ഞു, എന്നാൽ മിലിയുടെ നടപടികൾ ഗുണപരമാകുമോ എന്ന് ചോദ്യവും ക്രിസ്റ്റഫർ ഉയർത്തുന്നു. 

“ഇത് അപകടകരമായ സ്ഥിതി വിശേഷമാണ്. ഈ മുണ്ട് മുറുക്കി ഉടുക്കൽ കൊണ്ട്  എന്തെങ്കിലും പ്രയോജനം ഉണ്ടാകുമോ എന്നതാണ് ചോദ്യം. അടുത്തതായി എന്താണ് വരുന്നത്? പൊതുമേഖലാ ചെലവുകൾ നിയന്ത്രിക്കാൻ അദ്ദേഹത്തിന് കഴിയുമോ? കറൻസിയുടെ മൂല്യം ഉയർത്താൻ കഴിയുമോ? അത് ചെയ്യാതെ, ദാരിദ്ര്യം സൃഷ്ടിക്കുകയാണ് ചെയ്തത് ”അദ്ദേഹം പറഞ്ഞു

മിലേയ്ക്ക് ജനപ്രീതി കൂടുതലായിരുന്നെങ്കിലും, ഇപ്പോൾ പൊതുജന പിന്തുണ കുറഞ്ഞുവരുന്നതായി കാണുന്നു. തിങ്കളാഴ്ച പ്രസിദ്ധീകരിച്ച ഒരു സർവേയിൽ സെപ്റ്റംബറിൽ ഏകദേശം 15% ഇടിവാണ് രേഖപ്പെടുത്തിയത് മിലേയുടെ ഒമ്പത് മാസത്തെ ഭരണകാലത്തെ ഏറ്റവും കുത്തനെയുള്ള ഇടിവാണ്. പണപ്പെരുപ്പത്തെക്കുറിച്ചുള്ള ആശങ്കകൾ തൊഴിൽ നഷ്‌ടത്തിൻ്റെയും ദാരിദ്ര്യത്തിൻ്റെയും ഭയത്താൽ മറികടക്കുന്നതായി സമീപകാല സർവേകൾ പറയുന്നു.

“ഒരു മധ്യവർഗ രാഷ്ട്രമാണെന്ന് ചരിത്രപരമായി അഭിമാനിക്കുന്ന ഒരു പ്രദേശത്തെ സംബന്ധിച്ചിടത്തോളം, ഈ ദാരിദ്ര്യ നിരക്ക് വളരെ വേദനാജനകമാണ്,” എന്ന് ക്രിസ്റ്റഫർ സബാറ്റിനി പറഞ്ഞു.

മുൻ ഇടതുപക്ഷ ചായ്‌വുള്ള സർക്കാരുകളിൽ നിന്ന് സർക്കാരിന് “വിനാശകരമായ ഒരു സാഹചര്യം പാരമ്പര്യമായി ലഭിച്ചു”വെന്ന് മിലിയുടെ വക്താവ് ഇതിനോട് പ്രതികരിച്ചത്.