ലോക രണ്ടാം നമ്പര്‍ താരമായ ഇഗാ സിയാടെക്ക് തന്റെ രണ്ടാം ഓസ്‌ട്രേലിയന്‍ ഓപ്പണ്‍ സെമിഫൈനലിലേക്ക് പ്രവേശിച്ചു. എട്ടാം സീഡായ എമ്മാ നവാറൂവിനെ 6-1, 6-2 എന്ന സ്‌കോറിന് തകര്‍ത്താണ് സിയാടെക്ക് സെമിയിലേക്ക് കടന്നത്.

ഇതോടെ സെമിയില്‍ അമേരിക്കക്കാരുടെ പോരാട്ടത്തിന് കളമൊരുങ്ങി. സെമിഫൈനലില്‍ അവര്‍ മാഡിസണ്‍ കീസിനെ നേരിടും. എലിന വിറ്റോലിനയെ 3-6, 6-3, 6-4 എന്ന സ്‌കോറിന് പരാജയപ്പെടുത്തിയാണ് മാഡിസണ്‍ സെമിയിലെത്തിയത്.

അതേസമയം, ഇന്നലെ നടന്ന പുരുഷന്‍മാരുടെ ക്വാര്‍ട്ടര്‍ ഫൈനലില്‍ നോവാക്ക് ജോക്കോവിച്ച് കാര്‍ലോസ് അല്‍ക്കാരസിനെ തോല്‍പ്പിച്ചു. ഇതോടെ 25ാം ഗ്രാന്‍ഡ്സ്ലാം കിരീടമെന്ന നേട്ടത്തിനോട് ജോക്കോവിച്ച് ഒരു പടി കൂടി അടുത്തു. 37 വയസ്സുള്ള സെര്‍ബിയക്കാരനായ ജോക്കോവിച്ച് തന്നേക്കാളും 16 വര്‍ഷം പഴക്കമുള്ള സ്‌പെയിന്‍കാരനെയാണ് തോല്‍പ്പിച്ചത്. 4-6, 6-4, 6-3, 6-4 എന്നതാണ് സ്‌കോര്‍.

മത്സരം മൂന്ന് മണിക്കൂറും 37 മിനിട്ടും നീണ്ടു. ഇത് 12ാം തവണയാണ് ജോക്കോവിച്ച് ഓസ്‌ട്രേലിയന്‍ ഓപ്പണില്‍ സെമിയില്‍ എത്തുന്നത്. റോജര്‍ ഫെഡറര്‍ 15 തവണ എത്തിയിട്ടുണ്ട്. എന്നാല്‍ ഏറ്റവും കൂടുതല്‍ തവണ ഗ്രാന്‍ഡ്സ്ലാം ടൂര്‍ണമെന്റുകളുടെ സെമിയില്‍ എത്തിയെന്ന റെക്കോര്‍ഡ് ജോക്കോവിച്ചിന്റെ പേരിലാണ്. 50 തവണ.