പശ്ചിമ ബംഗാളിലെ നാദിയ ജില്ലയിൽ ബൂത്ത് ലെവൽ ഓഫീസറായി (BLO) ജോലി ചെയ്യുന്ന ഒരു സ്ത്രീയെ ശനിയാഴ്ച  രാവിലെ അവരുടെ വീട്ടിൽ മരിച്ച നിലയിൽ കണ്ടെത്തി. SIR ജോലി സംബന്ധമായ സമ്മർദ്ദത്തിലായിരുന്നു അവർ എന്നും ആത്മഹത്യ ചെയ്തതാണെന്നും അവരുടെ കുടുംബാംഗങ്ങൾ അവകാശപ്പെട്ടതായി പോലീസ് പറഞ്ഞു. റിങ്കു തരഫ്ദാർ എന്ന ബിഎൽഒ ആണ് ആത്മഹത്യ ചെയ്തത്.

സംസ്ഥാന മന്ത്രി ഉജ്ജൽ ബിശ്വാസ് മരിച്ചവരുടെ വസതി സന്ദർശിച്ച് കുടുംബാംഗങ്ങളുമായി സംസാരിച്ചു. ബംഗാളിൽ നടന്നുകൊണ്ടിരിക്കുന്ന എസ്‌ഐആർ നിർത്തലാക്കാൻ മുഖ്യമന്ത്രി മമത ബാനർജി മുഖ്യ തിരഞ്ഞെടുപ്പ് കമ്മീഷണർ ഗ്യാനേഷ് കുമാറിനോട് ആവശ്യപ്പെട്ടു.

തുടർച്ചയായ "ആസൂത്രിതമല്ലാത്തതും നിർബന്ധിതവുമായ നീക്കം" കൂടുതൽ ജീവൻ അപകടത്തിലാക്കുമെന്നും പ്രവർത്തനത്തിന്റെ നിയമസാധുതയെ അപകടത്തിലാക്കുമെന്നും വാദിച്ച് കൊണ്ട് മമത ബാനർജി വ്യാഴാഴ്ച മുഖ്യ തിരഞ്ഞെടുപ്പ് കമ്മീഷണർക്ക് കത്തെഴുതി.