ബംഗാള്‍ ഉള്‍ക്കടലിൽ രൂപംകൊണ്ട മോന്‍താ ചുഴലിക്കാറ്റ് ഇന്ന് രാത്രിയോടെ തീരം തൊടും. ആ​ന്ധ്രാ തീ​ര​ത്തെ മ​ച്ചി​ലി​പ​ട്ട​ണ​ത്തി​നും കലിം​ഗ പ​ട്ട​ണ​ത്തി​നും ഇ​ട​യി​ലുള്ള ക​ക്കി​ന​ട​യു​ടെ സമീ​പത്ത് ക​ര തൊ​ടു​മെ​ന്നാ​ണ് പ്ര​വ​ച​നം. ആ​ന്ധ്രാ തീ​ര​ത്ത് ക​ന​ത്ത ജാഗ്രതാ നിർദേശം പുറപ്പെ​ടു​വി​ച്ചു. ഒ​ഡീ​ഷ, ആ​ന്ധ്ര, ത​മി​ഴ്നാ​ട് സം​സ്ഥാ​ന​ങ്ങ​ളി​ൽ വ്യാ​പ​ക മഴ​യ്ക്ക് സാ​ധ്യ​ത​യു​ണ്ടെ​ന്ന് കാ​ലാ​വ​സ്ഥാ​ വ​കു​പ്പ് മു​ന്ന​റി​യി​പ്പ് നൽകി. മ​ഴ​യ്ക്കൊ​പ്പം മണിക്കൂറി​ൽ 110 കി​ലോ​മീ​റ്റ​ർ വേ​ഗ​ത​യി​ൽ കാ​റ്റ് വീ​ശാ​ൻ സാ​ധ്യ​ത​യു​ണ്ടെ​ന്നും മുന്നറിയിപ്പിൽ പ​റ​യു​ന്നു.

ചുഴലിക്കാറ്റ് മൂലം തെക്കന്‍ കേരളത്തിലും മധ്യകേരളത്തിലും മഴ കനക്കുമെന്ന് കേന്ദ്ര കാലാവസ്ഥാ വകുപ്പ് മുന്നറിയിപ്പ് നൽകിയിട്ടുണ്ട്. മോൻതാ ചുഴലിക്കാറ്റിന്റെ കരയിലേക്കുള്ള പ്രവേശം ആന്ധ്രാപ്രദേശ് തീരത്ത് ആരംഭിച്ചതായി സംസ്ഥാന ദുരന്ത നിവാരണ അതോറിറ്റി (APSDMA) മാനേജിംഗ് ഡയറക്ടർ പ്രകാശ് ജയിൻ വാർത്താ ഏജൻസിയായ പിടിഐയോട് പറഞ്ഞു. തെക്ക്-കിഴക്കൻ ബംഗാൾ ഉൾക്കടലിലെ ന്യൂനമർദ്ദത്തിൽ നിന്ന് രൂപപ്പെട്ട മോന്‍താ ഞായറാഴ്ച അർധരാത്രിയോടെയാണ് ചുഴലിക്കാറ്റായി ശക്തി പ്രാപിച്ചത്.