ലോകത്തിലാദ്യമായി തടി കൊണ്ടുള്ള ഉപ​ഗ്രഹം നിർമ്മിച്ച് ജപ്പാൻ. ചന്ദ്രനിലെയും ചൊവ്വയിലെയും പര്യവേഷണങ്ങൾക്കായി ക്യോട്ടോ യൂണിവേഴ്സിറ്റിയും ബിൽഡർ സുമിറ്റോമോ ഫോറസ്റ്ററിയും ചേർന്നാണ് ലി​ഗ്നോസാറ്റ് സ്പേക്സ് എക്സ് വികസിപ്പിച്ചെടുത്തത്.  ഇന്ന് വിക്ഷേപണം നടത്തിയ ലി​ഗ്നോസാറ്റ് അന്താരാഷ്ട്രനിലയത്തിലേക്ക് ഉടൻ കുതിച്ചുയരും. പിന്നീട് ഭൂമിയിൽ നിന്ന് 400 മീറ്റ‌‍ർ അകലെയുള്ള ഭ്രമണപഥത്തിലേക്കും ലി​ഗ്നോസാറ്റിനെ അയക്കും. ഭൂമിക്കു പുറത്തുള്ള ഇടങ്ങൾ മനുഷ്യന് വാസയോ​ഗ്യമാണോയെന്ന് പരീക്ഷണങ്ങൾ നടത്തികൊണ്ടിരിക്കുന്ന കാലത്ത് പുന​രുപയോ​ഗ സാധ്യതയുള്ള വസ്തുക്കളുടെ നിലനിൽപ്പിനെക്കുറിച്ചും മനസിലാക്കുകയാണ് ലി​ഗ്നോസാറ്റിന്റെ വിക്ഷേപണ ലക്ഷ്യം.

തടി ഉപയോ​ഗിച്ച് ബഹിരാകാശത്ത് വീടുകൾ നിർമ്മിക്കാനും അവയിൽ ജീവിക്കാനും സാധിക്കുമെന്ന് ക്യോട്ടോ സർവ്വകലാശാലയിലെ ഹുമൺ സ്പേസ് ആക്ടിവിറ്റീസ് പഠിതാവും ബഹിരാകാശ യാത്രികനുമായ തകാവോ ഡോയ് പറഞ്ഞു.

ചന്ദ്രനിലും ചൊവ്വയിലും മരങ്ങൾ നട്ടുപിടിപ്പിക്കാനും മരം കൊണ്ടുള്ള വീടുകൾ നിർമ്മിക്കാനുമുള്ള 50 വർഷ പദ്ധതിയുടെ ഭാ​ഗമായാണ് തകാവോ ഡോയും സംഘവും മരം കൊണ്ടുള്ള ഉപ​ഗ്രഹം നിർമ്മിച്ചത്. മരം ബഹിരാകാശ ​ഉപയോഗിക്കാനാവുന്ന വസ്തു  ആണെന്ന് തെളിയിക്കുകയാണ് ഇതിന് പിന്നിലെ ലക്ഷ്യം.

1900കളുടെ തുടക്കത്തിൽ വിമാനങ്ങൾ മരം കൊണ്ടാണ് നിർമ്മിച്ചിരുന്നത് അത് കൊണ്ട് തന്നെ തടി കൊണ്ടുള്ള ഉപ​ഗ്രഹവും പ്രായോ​ഗികമായിരിക്കുമെന്ന് ക്യോട്ടോ യൂണിവേഴ്സിറ്റിയിലെ ഫോറസ്റ്റ് സയൻസ് പ്രൊഫസർ കോജി മുരാറ്റ പറഞ്ഞു. തടിയോ തടി കൊണ്ടുള്ള വസ്തുക്കളോ ഭൂമിയിലേതിനേക്കാൾ കൂടുതൽ കാലം ബഹിരാകാശത്ത് നിലനിൽക്കും, ഇവ ജീർണിക്കുന്നതിന് കാരണമാകുന്ന ഘടകങ്ങളായ വെള്ളത്തിന്റെയും ഓക്സിജന്റെയും അഭാവമാണ് ഇതിന് കാരണം. തടി കൊണ്ടുള്ള ഉപ​ഗ്രഹത്തിന്റെ പാരിസ്ഥിതിക ആഘാതങ്ങളും കുറവായിരിക്കും.

ഹോനോക്കി എന്ന മരത്തിന്റെ തടിയാണ് ബഹിരാകാശ പേടക നിർമ്മാണത്തിന് അനുയോജ്യമെന്ന് 10 മാസം നീണ്ട് നിന്ന പഠനത്തിലൂടെയാണ് കണ്ടെത്തിയത്. ലി​ഗ്നോസാറ്റും നിർമ്മിച്ചിരിക്കുന്നത് ഹോനോക്കി മരത്തിന്റെ തടി ഉപയോ​ഗിച്ചാണ്. ആറ് മാസത്തേക്ക് ലി​ഗ്നോസാറ്റ് ഭ്രമണപഥത്തിൽ തുടരും.