യുക്രൈൻ പ്രസിഡന്റ് വ്ളാഡിമിർ സെലെൻസ്കിയുമായി ഇനിയുള്ള ചർച്ചകളും, ഇടപാടുകളും സമാധാനത്തിനുള്ള വ്യക്തമായ പ്രതിബദ്ധതയെ ആശ്രയിച്ചായിരിക്കുമെന്ന് അമേരിക്കൻ പ്രസിഡന്റ്
ഡൊണാൾഡ് ട്രംപ്.

വെള്ളിയാഴ്ച വൈറ്റ് ഹൗസിൽ സെലെൻസ്കിയുമായുള്ള സംഘർഷഭരിതമായ കൂടിക്കാഴ്ചയ്ക്ക് ശേഷം മാധ്യമപ്രവർത്തകരോട് സംസാരിച്ച ട്രംപ്, റഷ്യയുമായുള്ള സംഘർഷം അവസാനിപ്പിക്കാനുള്ള യഥാർത്ഥ ആഗ്രഹം പ്രകടിപ്പിക്കുന്നതിൽ ഉക്രേനിയൻ നേതാവ്  പരാജയപ്പെട്ടുവെന്നും ആരോപിച്ചതായി റഷ്യൻ വാർത്ത ഏജൻസി RT റിപ്പോർട്ട് ചെയ്തു.

"ഞങ്ങൾ സമാധാനം തേടുകയാണ്," ട്രംപ് പറഞ്ഞു. "ശക്തമായ ഒരു നിലപാടിൽ ഒപ്പിടാൻ പോകുന്ന ഒരാളെ  ഞങ്ങൾ തിരയുന്നില്ല, അത് സമാധാനം ഉണ്ടാക്കാൻ പോകുന്നില്ല, കാരണം അവൻ വീണ്ടും വീണ്ടും പോരാടാൻ ആഗ്രഹിക്കുന്നു. നമ്മൾ സമാധാനത്തിനാണ് നോക്കുന്നത്".

യുഎസ് സൈനിക സഹായം തുടരുന്നത് സെലെൻസ്കിയുടെ സ്ഥാനം ശക്തിപ്പെടുത്തുമെന്നും സമാധാന ചർച്ചകൾക്ക് താൽപര്യം കുറയ്ക്കുമെന്നും ട്രംപ് പറഞ്ഞു. "ഞങ്ങൾ 10 വർഷത്തെ യുദ്ധത്തിലേക്ക് പോകാൻ ആഗ്രഹിക്കുന്നില്ല."

വെടിനിർത്തൽ അടിയന്തര മുൻഗണനയായിരിക്കണമെന്ന് ആവർത്തിച്ച ട്രംപ് സെലെൻസ്കി അത് പരിഗണിക്കാൻ തയ്യാറല്ലെന്ന് സൂചിപ്പിച്ചു. സെലെൻസ്കിയിൽ നിന്ന് വ്യത്യസ്തമായി, റഷ്യൻ പ്രസിഡന്റ് വ്ളാഡിമിർ പുടിൻ സമാധാനം സ്ഥാപിക്കാൻ തയ്യാറാണെന്ന് തോന്നുന്നുവെന്നും ശത്രുത നീട്ടുന്നതിനേക്കാൾ യുഎസ് നയം സംഘർഷം കുറയ്ക്കുന്നതിൽ ശ്രദ്ധ കേന്ദ്രീകരിക്കണമെന്നും അദ്ദേഹം അഭിപ്രായപ്പെട്ടതായി RT റിപ്പോർട്ട് ചെയ്തു.

വൈറ്റ് ഹൗസ് വിടാൻ സെലെൻസ്കിയോട് വ്യക്തമായി പറഞ്ഞിട്ടുണ്ടോ എന്ന ചോദ്യത്തിന് നേരിട്ട് മറുപടി നൽകാൻ ട്രംപ് വിസമ്മതിച്ചു. "അതിനുള്ള ഉത്തരം നിങ്ങൾക്ക് അറിയാമെന്ന് ഞാൻ കരുതുന്നു."
"ഞാനൊരു കാര്യം പറയാം. ഇന്ന് ഞാൻ കണ്ടതെന്താണെന്ന് നിങ്ങൾ കണ്ടില്ലേ. അത് സമാധാനം സ്ഥാപിക്കാൻ ആഗ്രഹിക്കുന്ന ഒരു മനുഷ്യനല്ല, "അദ്ദേഹം പറഞ്ഞു. "രക്തച്ചൊരിച്ചിൽ അവസാനിപ്പിക്കാൻ അദ്ദേഹം ആഗ്രഹിക്കുന്നുവെങ്കിൽ മാത്രമേ എനിക്ക് താൽപ്പര്യമുള്ളൂ.

യുക്രേനിയൻ പ്രസിഡണ്ടും  ട്രംപും തമ്മിലുള്ള കൂടിക്കാഴ്ച വെള്ളിയാഴ്ച ദുരന്തത്തില് കലാശിച്ചുവെന്ന് റോയിട്ടേഴ്‌സ് റിപ്പോർട്ട് പറഞ്ഞു. ലോക മാധ്യമങ്ങൾക്ക് മുന്നിൽ ഇരു നേതാക്കളും തമ്മിൽ നടന്ന വാക് സമരം അസാധാരണമായി വിലയിരുത്തപ്പെടുന്നു.

യുക്രെയ്ൻ അധിനിവേശത്തിന് ഉത്തരവിട്ട റഷ്യൻ പ്രസിഡന്റ് വ്ളാഡിമിർ പുടിനൊപ്പം നിൽക്കരുതെന്ന് അമേരിക്കയെ ബോധ്യപ്പെടുത്താനുള്ള അവസരമായാണ് സെലെൻസ്കി ഓവൽ ഓഫീസിൽ നടന്ന കൂടിക്കാഴ്ചയെ കണ്ടത്. പകരം യുഎസ് പ്രസിഡന്റ് ട്രംപും വൈസ് പ്രസിഡന്റ് ജെഡി വാൻസും സെലെൻസ്കി അനാദരവ് കാണിച്ചുവെന്നും അത് ഇരു രാജ്യങ്ങളും ബന്ധത്തെ പുതിയ താഴ്ന്ന നിലയിലേക്ക് നയിച്ചുവെന്നും ആരോപിച്ചു. യുക്രേനിയൻ നേതാവിനോട് രാജ്യം വിടാൻ ആവശ്യപ്പെട്ടതായി ഒരു യുഎസ് ഉദ്യോഗസ്ഥൻ പറഞ്ഞു.

യുക്രൈനിന്റെ സമ്പന്നമായ ധാതു വിഭവങ്ങൾ സംയുക്തമായി വികസിപ്പിക്കുന്നതിനായുള്ള കരാർ ഒപ്പിടാതെ അനിശ്ചിതത്വത്തിലായി. സെലെൻസ്കിയെ പിന്തുണക്കാൻ യൂറോപ്യൻ നേതാക്കൾ രംഗത്ത് എത്തി. "ആക്രമണകാരിയെയും, ഇരയെയും ഒരിക്കലും ഒരു പോലെ കാണരുതെന്ന്," ജർമ്മൻ ചാൻസലർ സ്ഥാനാർത്ഥി ഫ്രീഡ്രിക്ക് മെർസ് പറഞ്ഞു.