ഗാനമേളയില് ഗണഗീതം; ക്ഷേത്ര ഉപദേശക സമിതിയെ പിരിച്ചുവിട്ടു
ഉല്സവത്തിലെ ഗാനമേളയില് ആര്എസ്എസിന്റെ ഗണഗീതം പാടി വിവാദത്തിലായ കൊല്ലം കോട്ടുക്കല് മഞ്ഞിപ്പുഴ ക്ഷേത്ര ഉപദേശക സമിതിയെ തിരുവിതാംകൂര് ദേവസ്വം ബോര്ഡ് പിരിച്ചു വിട്ടു.
ആര്എസ്എസ് ഗണഗീതം ആലപിച്ചത് കൂടാതെ ക്ഷേത്ര പരിസരത്ത് രാഷ്ട്രീയ-സാമുദായിക സംഘടനയുടെ കൊടി തോരണങ്ങള് കെട്ടിയ സംഭവത്തിലും അന്വേഷണങ്ങള് നടത്തിയശേഷമാണ് ദേവസ്വം ബോര്ഡ് നടപടി സ്വീകരിച്ചത്.
രണ്ട് സംഭവങ്ങളിലും ക്ഷേത്ര ഉപദേശക സമിതിയ്ക്ക് ഗുരുതര വീഴ്ചയുണ്ടായെന്ന് അന്വേഷണത്തില് കണ്ടെത്തി.
തിരുവിതാംകൂര് ദേവസ്വം ബോര്ഡിന് കീഴിലുള്ള ക്ഷേത്രങ്ങളിലും ക്ഷേത്രങ്ങളുടെ പരിസരങ്ങളിലും രാഷ്ട്രീയ- സാമുദായിക സംഘടനകളുടെ കൊടി തോരണങ്ങള് കെട്ടുന്നതും രാഷ്ട്രീയ സമുദായ സംഘടനകളുടെ ആശയ പ്രചരണത്തിന് ക്ഷേത്രങ്ങളെ ഉപയോഗിക്കുന്നതും കര്ശനമായി വിലക്കിയിട്ടുള്ളതാണ്.
ഈ ഉത്തരവ് ലംഘിക്കുന്ന പ്രവര്ത്തനങ്ങള് ആര് നടത്തിയാലും കര്ശന നടപടി ഉണ്ടാകുമെന്ന് തിരുവിതാംകൂര് ദേവസ്വം ബോര്ഡ് അറിയിച്ചു.