കനത്ത മഴ: നദിക്കരകളില് ജാഗ്രത പുലര്ത്തണമെന്ന് നിര്ദ്ദേശം
സംസ്ഥാനത്ത് രണ്ട് ദിവസമായി കനത്ത മഴ തുടരുന്നതിനാല് വിവിധ ജില്ലകളിലെ നദികളുടെ കരയില് വസിക്കുന്നവര് ജാഗ്രത പുലര്ത്തണമെന്ന് കേരള ദുരന്ത നിവാരണ അതോറിറ്റി അറിയിച്ചു.
കോഴിക്കോട് ജില്ലയിലെ കോരപ്പുഴ, പത്തനംതിട്ട ജില്ലയിലെ മണിമല, തിരുവനന്തപുരം ജില്ലയിലെ വാമനപുരം, വയനാട് ജില്ലയിലെ കബനി എന്നീ നദികളില് ഓറഞ്ച്, മഞ്ഞ അലര്ട്ടുകള് നിലനില്ക്കുന്നു ആയതിനാല് കരയിലുള്ളവര് ജാഗ്രത പാലിക്കണം.
സംസ്ഥാന ജലസേചന വകുപ്പിന്റെ കോഴിക്കോട് ജില്ലയിലെ കോരപ്പുഴയിലെ നദിയില് (കൊള്ളിക്കല് സ്റ്റേഷന്) ഓറഞ്ച് അലര്ട്ടും, തിരുവനന്തപുരം ജില്ലയിലെ വാമനപുരം (മൈലാംമൂട് സ്റ്റേഷന്), പത്തനംതിട്ട ജില്ലയിലെ മണിമല (തോണ്ട്ര സ്റ്റേഷന്), കോഴിക്കോട് ജില്ലയിലെ കോരപ്പുഴ (കുന്നമംഗലം സ്റ്റേഷന്), വയനാട് ജില്ലയിലെ കബനി (കാക്കവയല്, മുത്തങ്ങ സ്റ്റേഷന്) എന്നീ നദികളില് മഞ്ഞ അലര്ട്ടും നിലനില്ക്കുന്ന സാഹചര്യത്തില് ഈ നദികളുടെ കരയില് താമസിക്കുന്നവര് ജാഗ്രത പുലര്ത്തേണ്ടതാണ്
യാതൊരു കാരണവശാലും നദികളില് ഇറങ്ങാനോ നദി മുറിച്ചു കടക്കാനോ പാടില്ല. തീരത്തോട് ചേര്ന്ന് താമസിക്കുന്നവര് ജാഗ്രത പാലിക്കേണ്ടതാണ്.
അധികൃതരുടെ നിര്ദേശാനുസരണം പ്രളയ സാധ്യതയുള്ളയിടങ്ങളില് നിന്ന് മാറി താമസിക്കാന് തയ്യാറാവണമെന്നും അതോറിറ്റി അറിയിച്ചു.