യുഎസിലെ ഡസൻ കണക്കിന് ആളുകളെ രോ​ഗികളാക്കിയ ഇ കോളി വ്യാപനത്തിന് പിന്നിൽ മക്ഡൊണാൾസിലെ ക്വാർട്ടർ പൗണ്ടർ ഹാം ബർ​ഗറാണെന്ന് ആരോ​ഗ്യ വകുപ്പ്.

ഇതുവരെ  49 പേർക്കാണ് രോ​ഗം റിപ്പോർട്ട് ചെയ്തത് കൊളറാഡോയിലും നെബ്രോസ്കയിലുമാണ് കൂടുതൽ കേസുകൾ റിപ്പോർട്ട് ചെയ്തതെന്ന് യുഎസ് സെന്റർ ഫോർ ഡിസീസ് കൺട്രോൾ ആൻഡ് പ്രിവൻഷൻ പറഞ്ഞു.

വൈറസ് ബാധിതരായ ആളുകളിലേറെയും അസുഖം റിപ്പോർട്ട് ചെയ്യുന്നതിന് മുമ്പായി മക്ഡൊണാൾഡ്സിൽ നിന്ന് ഹാം ബർ​ഗർ കഴിച്ചിരുന്നതായി സിഡിസി റിപ്പോർട്ട് ചെയ്തു. വ്യാപനത്തിന് കാരണമായ ബർ​ഗറിലെ ചേരുവ ഏതാണെന്ന്  ഇതുവരെ കണ്ടെത്താനായിട്ടില്ലെന്ന് ആരോ​ഗ്യ  വിദ​ഗ്ധർ പറയുന്നു.

ഹാം ബർ​ഗറിലെ ഏത് പദാർത്ഥമാണ് വൈറസ് വ്യാപനത്തിന് കാരണമായതെന്ന് കണ്ടെത്താനായി അന്വേഷണ ഏജൻസികളുമായി മക്ഡൊണാൾഡ്സ് സഹകരിച്ച് പ്രവർത്തിക്കുമെന്ന് സിഡിസി അറിയിച്ചു.അന്വേഷണത്തിന്റെ ഭാ​ഗമായി ക്വാർട്ടർ പൗണ്ടർ ഹാം ബർ​ഗറിൽ ഉപയോ​ഗിക്കുന്ന ഫ്രഷ് സിൽവേഡ് ഒണിയനും ബീഫ് പാറ്റികളും പല സംസ്ഥാനങ്ങളിലും നിരോധിച്ചിട്ടുണ്ട്. മക്ഡൊണാൾഡ്സിന്റെ കച്ചവടത്തിൽ ഒമ്പത് ശതമാനം ഇടിവ് രേഖപ്പെടുത്തി.

എന്നാൽ, ഈ ഇടിവ് അധികം രാജ്യങ്ങളെയും അധികം ഭക്ഷണ പദാർത്ഥങ്ങളെയും  ബാധിച്ചിട്ടില്ലെന്ന്  മക്ഡൊണാൾഡ്സിന്റെ യുഎസ്എ പ്രസിഡന്റായ ജോ എർലിം​ഗർ പറഞ്ഞു. മക്ഡൊണാൾസിലെ എല്ലാ ജീവനക്കാരും ഭക്ഷ്യസുരക്ഷയുടെ കാര്യത്തിൽ നിർബന്ധം പുലർത്തുന്നവരാണെന്നും വീഡിയോയിലൂടെ എർലിം​ഗർ അറിയിച്ചു. 

തിരഞ്ഞെടുത്ത ചില രാജ്യങ്ങളിൽ ഹാം ബർ​ഗറിൽ സിൽവേഡ് ഒണിയൻ ഉപയോ​ഗിക്കുന്നത് നിരോധിക്കുമെന്നും കൂടാതെ ചില ഭക്ഷണശാലകളിൽ നിന്ന് ഹാംബർ​ഗർ താത്കാലികമായി ഒഴിവാക്കാനും തങ്ങൾ തീരുമാനമെടുത്തതായി എർലിം​ഗർ കൂട്ടിചേർത്തു. 

മക്ഡൊണാൾഡ്സിനെ സംബന്ധിച്ച് ഈ വർഷം കുറച്ച് കഠിനമായിരിക്കുമെന്നാണ് ഈ വാർത്ത വ്യക്തമാക്കുന്നത്. ജൂലൈയിൽ ചിക്കാ​ഗോ ആസ്ഥാനമായി പ്രവർത്തിക്കുന്ന ശൃഖംലയിലാണ് ആദ്യ ഇടിവ് രേഖപ്പെടുത്തിയത്. പണപ്പെരുപ്പവും ​ഇസ്രായേലിന്  മക്ഡൊണാൾഡ്സ്  നൽകുന്ന പിന്തുണയുമാണ് ഇടിവിന് കാരണം. കമ്പനിയെ സംബന്ധിച്ചിടത്തോളം 2025 കൂടുതൽ നിറഞ്ഞ വർഷമായിരിക്കുമെന്ന്  ചീഫ് എക്സിക്യൂട്ടീവ് ഓഫീസർ ക്രിസ് കെംപെൻസ്കി മുന്നറിയിപ്പ് നൽകുന്നു.