ഇന്ത്യയുമായി സമാധാന ചര്‍ച്ച നടത്താമെന്ന് പാകിസ്താന്‍ പ്രധാനമന്ത്രി ഷെഹബാസ് ഷെറീഫിന്റെ വാഗ്ദാനം. പാക് പഞ്ചാബിലെ കമ്ര വിമാനത്താവളം സന്ദര്‍ശിക്കുമ്പോഴാണ് ഷെഹബാസ് ഇക്കാര്യം മുന്നോട്ടുവച്ചത്. സമാധാനത്തിനായി ഇന്ത്യയുമായി ചര്‍ച്ച നടത്താന്‍ തയ്യാറാണെന്ന് അദ്ദേഹം പറഞ്ഞു.

സമാധാനത്തിനുള്ള നിബന്ധനകളില്‍ കശ്മീര്‍ വിഷയവും ഉള്‍പ്പെടുന്നുവെന്ന് പാക് പ്രധാനമന്ത്രി കൂട്ടിച്ചേര്‍ത്തു. ഇന്ത്യയ്‌ക്കെതിരെയുള്ള സൈനിക നടപടിയില്‍ പങ്കെടുത്ത സൈനിക ഉദ്യോഗസ്ഥരുമായും സൈനികരുമായും ഷെഹബാസ് സംവദിച്ചു.

അതേസമയം, പരസ്പരവിശ്വാസം മെച്ചപ്പെടുത്തുന്നതിനുള്ള നടപടികള്‍ സ്വീകരിക്കുന്നത് തുടരുമെന്ന് ഇന്ത്യന്‍ സൈന്യം പറഞ്ഞു. സൈനിക നടപടികള്‍ നിര്‍ത്തിവച്ചത് മെയ് 18 വരെ ദീര്‍ഘിപ്പിച്ചുവെന്ന് ഇസ്ലാമാബാദ് പ്രഖ്യാപിച്ചതിന് പിന്നാലെയാണ് ഇന്ത്യന്‍ സൈന്യത്തിന്റെ പ്രസ്താവന പുറത്തുവന്നത്.

ഒരൊറ്റ രാത്രി കൊണ്ട് ജമ്മുകശ്മീരില്‍ രൂപാന്തരത്വം കൊണ്ടുവരാന്‍ കഴിയുമെന്ന് പ്രതീക്ഷിക്കുന്നത് അയാഥാര്‍ത്ഥ്യമാണെന്ന് മുഖ്യമന്ത്രി ഫാറൂഖ് അബ്ദുള്ള പറഞ്ഞു.