പുതിയ തൊഴിൽ കരാറിനായുള്ള ചർച്ചകൾ പരാജയപ്പെട്ടതിനെത്തുടർന്ന്, 50 വർഷത്തിനിടെ യുഎസ് ഈസ്റ്റ് കോസ്റ്റ്, ഗൾഫ് കോസ്റ്റ് ഡോക്ക് വർക്കർമാർ കൂലിക്ക് വേണ്ടിയുള്ള തങ്ങളുടെ ആദ്യത്തെ പണിമുടക്ക് ചൊവ്വാഴ്ച ആരംഭിച്ചിരിക്കയാണ്.

മെയ്ൻ മുതൽ ടെക്‌സാസ് വരെയുള്ള ഡസൻ കണക്കിന് തുറമുഖങ്ങളിലുടനീളം ഭക്ഷണം മുതൽ ഓട്ടോമൊബൈൽ കയറ്റുമതി വരെ സമരം തടയുന്നുണ്ട്. കയറ്റുമതിയിലുണ്ടായ ഈ തടസ്സം മൂലം സമ്പദ്‌വ്യവസ്ഥയ്ക്ക് പ്രതിദിനം ശതകോടിക്കണക്കിന് ഡോളർ ചിലവാകും, ജോലിയ്ക്ക് ഇത് ഭീഷണിയാവുകയും പണപ്പെരുപ്പം ഉയർത്തുകയും ചെയ്യുന്നത് കൊണ്ട് വിശകലന വിദഗ്ധർ മുന്നറിയിപ്പ് നൽകി.പണിമുടക്ക് അവസാനിപ്പിക്കാൻ ഫെഡറൽ അധികാരങ്ങൾ ഉപയോഗിക്കില്ലെന്ന് പ്രസിഡൻ്റ് ജോ ബൈഡനും അദ്ദേഹത്തിൻ്റെ ഭരണകൂടവും ആവർത്തിച്ച് പറഞ്ഞിട്ടുണ്ട്. വിഷയം സംബന്ധിച്ച് ഇരുഭാ​ഗത്ത് നിന്ന് ച‍‌ർച്ചകൾ നടന്നെങ്കിലും, ചർച്ച ഫലം കണ്ടില്ല സമരം രണ്ടാം ദിവസത്തിലേക്ക് നീങ്ങിയിരുന്നു. 

45,000 തുറമുഖ തൊഴിലാളികളെ പ്രതിനിധീകരിക്കുന്ന ഇൻ്റർനാഷണൽ ലോംഗ്‌ഷോർമെൻസ് അസോസിയേഷൻ യൂണിയൻ, യുണൈറ്റഡ് സ്റ്റേറ്റ്‌സ് മാരിടൈം അലയൻസ് (USMX) തൊഴിലുടമ ഗ്രൂപ്പുമായി  പുതിയ ആറ് വർഷത്തെ കരാറിനായി ചർച്ചകൾ നടത്തിയിരുന്നു.

യുഎസ്എംഎക്‌സിൻ്റെ അന്തിമ നിർദ്ദേശം നിരസിച്ചതിന് ശേഷം, മെയിൻ മുതൽ ടെക്‌സാസ് വരെയുള്ള എല്ലാ തുറമുഖങ്ങളും അടച്ചുപൂട്ടാനായി  ഒരു പ്രസ്താവനയിൽ പറഞ്ഞിരുന്നു.

കണ്ടെയ്‌നർ ഷിപ്പ് ഓപ്പറേറ്ററായ മെഴ്‌സ്‌ക് (MAERSKb) പോലുള്ള തൊഴിലുടമകളാണെന്ന് ILA യുടെ നേതാവ് ഹരോൾഡ് ഡാഗെറ്റ് പറഞ്ഞു.കൂടാതെ അതിൻ്റെ എപിഎം ടെർമിനൽസ് നോർത്ത് അമേരിക്ക ഉചിതമായ ശമ്പള വർദ്ധനവ് വാഗ്ദാനം ചെയ്യുകയോ അല്ലെങ്കിൽ ജോലിക്ക് ഭീഷണിയായ പോർട്ട് ഓട്ടോമേഷൻ പ്രോജക്ടുകൾ നിർത്താനുള്ള ആവശ്യങ്ങൾ അംഗീകരിക്കുകയോ ചെയ്തിട്ടില്ല.

ഞങ്ങളുടെ ഐഎൽഎ അംഗങ്ങൾക്ക് അർഹമായ വേതനവും ഓട്ടോമേഷനിൽ നിന്നുള്ള സംരക്ഷണവും ലഭിക്കുന്നതിന്, എത്ര സമയമെടുത്താലും പണിമുടക്കിൽ തുടരാനും പോരാടാനും ഞങ്ങൾ തയ്യാറാണ്," ഡാഗെറ്റ് പറഞ്ഞു.

USMX ഒരു പ്രസ്താവനയിൽ പറഞ്ഞു: "ഞങ്ങളുടെ നിലവിലെ 50% വേതന വർദ്ധന എല്ലാ സമീപകാല യൂണിയൻ സെറ്റിൽമെൻ്റിനേക്കാൾ കൂടുതലാണ്, അതേസമയം പണപ്പെരുപ്പത്തെ അഭിമുഖീകരിക്കുകയും ആഗോള സമ്പദ്‌വ്യവസ്ഥയെ പ്രവർത്തനനിരതമാക്കാനുള്ള ILA യുടെ കഠിനാധ്വാനത്തെ അംഗീകരിക്കുകയും ചെയ്യുന്നു."

ആറ് വർഷത്തേക്കുള്ള പുതിയ കരാറിൽ ഓരോ വർഷവും മണിക്കൂറിന് 5 ഡോളർ വർധിപ്പിക്കുന്നത് ഉൾപ്പെടെ കൂടുതൽ കാര്യങ്ങൾക്കായി യൂണിയൻ ശ്രമിക്കുന്നുണ്ടെന്ന് ഡാഗെറ്റ് പറഞ്ഞു.

യുഎസ്എംഎക്‌സിന് തൊഴിലാളികൾക്കുള്ള ന്യായമായ കരാർ ചർച്ച ചെയ്യാനുള്ള സമയമായെന്ന് വൈറ്റ് ഹൗസ് പറഞ്ഞു.

“പാൻഡെമിക് കാലം മുതൽ ഷിപ്പർമാർ റെക്കോർഡ് ലാഭമാണ് നേടിയിരിക്കുന്നത്, ചില സന്ദർഭങ്ങളിൽ, ലാഭം 800 ശതമാനം കവിയുന്നതായും കണ്ടു ,” വൈറ്റ് ഹൗസ് പ്രസ് സെക്രട്ടറി കരീൻ ജീൻ-പിയറി പറഞ്ഞു.

"പാൻഡെമികിന്റെ അത്ര അപകടകരമായ സാഹചര്യത്തിലും തുറമുഖം തുറന്ന് പ്രവ‍ർത്തിച്ച തൊഴിലാളികൾ അവരുടെ വേതനത്തിലും  വർദ്ധനവ് ആവശ്യപ്പെടുന്നത് ന്യായമാണ്.”

"തൊഴിലാളികളുടെ ത്യാഗത്തെയും  തൊഴിലുടമകളുടെ ലാഭത്തിലേക്കുള്ള സംഭാവനകളെയും പ്രതിഫലിപ്പിക്കുന്ന ഒരു ഓഫർ നൽകാൻ തൊഴിലുടമ ഗ്രൂപ്പ് വിസമ്മതിച്ചതായി" ലേബർ ആക്ടിംഗ് സെക്രട്ടറി ജൂലി സു പറഞ്ഞു.

ബൈഡൻ-ഹാരിസ് ഭരണകൂടമാണ് പണപ്പെരുപ്പത്തിന് കാരണമായതെന്ന് ട്രംപ് പണിമുടക്കിനെ വിമ‍ർശിച്ച് കൊണ്ട് ആരോപിച്ചിരുന്നു.

“നമ്മുടെ രാജ്യത്തും പുറത്തുമുള്ള എല്ലാവരേയും പോലെ, ഈ പണപ്പെരുപ്പത്താൽ അവർ നശിച്ചുപോയതിനാൽ ഡോക്ക് വർക്കർമാരെ എല്ലാവരും മനസ്സിലാക്കുന്നു,” ട്രംപിനെ ഉദ്ധരിച്ച് ഫോക്സ് ന്യൂസ് ഡിജിറ്റൽ ഒരു അഭിമുഖത്തിൽ പറഞ്ഞു.