ഇറാനിൽ നിർബന്ധിതമായി ഭരണമാറ്റം നടപ്പിലാക്കുന്നത് ഒരു 'തന്ത്രപരമായ പിഴവാണ്' എന്ന് ഫ്രഞ്ച് പ്രസിഡണ്ട് ഇമ്മാനുവൽ മാക്രോൺ.

"അമേരിക്കക്ക് വെടിനിർത്തൽ കൈവരിക്കാൻ കഴിയുമെങ്കിൽ, അത് വളരെ നല്ല കാര്യമാണ്," മാക്രോൺ മാധ്യമപ്രവർത്തകരോട് പറഞ്ഞു. സിവിലിയന്മാർക്കെതിരായ ആക്രമണങ്ങൾ അവസാനിപ്പിക്കാൻ അദ്ദേഹം ഇസ്രായേലിനോടും, ഇറാനോടും ആഹ്വാനം ചെയ്തു, ടെഹ്‌റാനിൽ സർക്കാരിനെ അട്ടിമറിക്കാൻ ലക്ഷ്യമിടുന്നത് ഒരു "തന്ത്രപരമായ പിഴവാണ്" എന്ന് മുന്നറിയിപ്പും നൽകി.

"പുറത്തുനിന്ന് ബോംബാക്രമണം നടത്തി, ഒരു രാജ്യത്തെ രക്ഷിക്കാൻ കഴിയുമെന്ന് കരുതിയിരുന്ന എല്ലാവരും എപ്പോഴും തെറ്റായ ധാരണയിൽ ആയിരിന്നു," അദ്ദേഹം പറഞ്ഞു.

അമേരിക്കയുടെ സഹായമില്ലാതെ ആണവകേന്ദ്രങ്ങൾ നശിപ്പിക്കാനാവില്ല.

അമേരിക്കയുടെ സഹായമില്ലാതെ ഇറാന്റെ ആണവ കേന്ദ്രങ്ങൾ നശിപ്പിക്കാൻ ഇസ്രായേലിന് കഴിയില്ലെന്ന് വാഷിംഗ്ടണിലെ സ്റ്റിംസൺ സെന്റർ എന്ന തിങ്ക് ടാങ്കിലെ സ്പെഷ്യൽ ഫെലോ ആയ ബാർബറ സ്ലാവിൻ.  ഇറാന്റെ ആണവ പദ്ധതി നശിപ്പിക്കാൻ ഇസ്രായേൽ, അമേരിക്കൻ സൈനിക ഇടപെടൽ ആവശ്യപ്പെടുന്നു, കാരണം അവർക്ക് അത് ഒറ്റയ്ക്ക് ചെയ്യാനുള്ള കഴിവില്ല, അവർ അൽ ജസീറയോട്  പറഞ്ഞു.

“ഇറാന്റെ ആണവ പദ്ധതി നശിപ്പിക്കുക എന്ന അവരുടെ പ്രഖ്യാപിത ലക്ഷ്യം നേടുന്നതിൽ ഇസ്രായേലികൾ വിജയിച്ചിട്ടില്ല. സത്യം പറഞ്ഞാൽ, അമേരിക്കയുടെ സഹായമില്ലാതെ അവർക്ക് അത് ചെയ്യാൻ കഴിയില്ല,” സ്ലാവിൻ പറഞ്ഞു.

“അതിനാൽ, ഇപ്പോൾ നമ്മൾ കാണുന്നത് അമേരിക്കയെ ഇടപെടാൻ ശ്രമിക്കുന്ന ഇസ്രായേലികളുടെ ഒരുതരം തള്ളലും, ഉന്തലുമാണ്. അതേസമയം, ഇറാനികൾ അടിയന്തിരമായി നയതന്ത്രത്തിലേക്ക് മടങ്ങാൻ ആവശ്യപ്പെടുന്നതായി റിപ്പോർട്ടുകളുണ്ട്,” അവർ പറഞ്ഞു.

“അമേരിക്ക ഇടപെടണമെന്ന് പ്രസിഡന്റ് ആഗ്രഹിക്കുന്നതായി ഞാൻ കരുതുന്നില്ല, പക്ഷേ, ഇസ്രായേലികൾ ഇറാനെതിരായ ആക്രമണം തുടരാൻ ദൃഢനിശ്ചയം ചെയ്തതായി തോന്നുന്നു. ഇറാൻ പ്രതികാരം ചെയ്യുകയാണ്, ഇപ്പോൾ ആരും ഇത് നിർത്തലാക്കുമെന്ന് ഞാൻ കാണുന്നില്ല,” അവർ കൂട്ടിച്ചേർത്തു.

"ഈ ഘട്ടത്തിൽ ഇസ്രായേലികളെ തടയാൻ ട്രംപ് ആഗ്രഹിക്കുന്നതായി തോന്നുന്നില്ല." അവർ പറഞ്ഞു.

അത്ഭുതങ്ങൾക്കായി കാത്തിരിക്കുകയെന്ന്  ഇസ്രായേൽ പ്രതിനിധി.

ഇറാനെതിരായ ആക്രമണത്തിൽ 'അത്ഭുതങ്ങൾ' പ്രതീക്ഷിക്കാമെന്ന് ഇസ്രായേൽ പ്രതിനിധി. തിങ്കളാഴ്ച മെറിറ്റ് ടിവിക്ക് നൽകിയ അഭിമുഖത്തിൽ, അമേരിക്കയിലെ ഇസ്രായേൽ അംബാസഡർ യെച്ചൽ ലെയ്റ്റർ, ഇറാനെതിരായ വരാനിരിക്കുന്ന സൈനിക നടപടികളെക്കുറിച്ച് സൂചന നൽകുമ്പോൾ കഴിഞ്ഞ വർഷം ഹിസ്ബുള്ളയ്‌ക്കെതിരായ പേജർ ആക്രമണത്തെ പരാമർശിച്ചു.

“ഞങ്ങൾ നിരവധി അത്ഭുതങ്ങൾ സൃഷ്ടിച്ചു - പൊടിപടലങ്ങൾ അടങ്ങുമ്പോൾ - വ്യാഴാഴ്ച രാത്രിയിലും വെള്ളിയാഴ്ചയും നിങ്ങൾ ചില അത്ഭുതങ്ങൾ കാണാൻ പോകുന്നു, അത് ബീപ്പർ പ്രവർത്തനം ഏതാണ്ട് ലളിതമാണെന്ന് തോന്നി.