തായ്‌ലന്‍ഡില്‍ സ്വവര്‍ഗ വിവാഹത്തിന് അനുമതി; നിയമം പ്രാബല്യത്തില്‍ വന്നു
തായ്‌ലന്‍ഡില്‍ സ്വവര്‍ഗ വിവാഹ നിയമം പ്രാബല്യത്തില്‍ വന്നു. ഇതോടെ നിയമപരമായി നിരവധി സ്വവര്‍ഗ ദമ്പതികള്‍ വിവാഹിതരായി. തായ്‌ലന്‍ഡിന് മുന്‍പ് തായ്വാനും നേപ്പാളുമാണ് സ്വവര്‍ഗവിവാഹം അംഗീകരിച്ച ഏഷ്യയിലെ രാജ്യങ്ങള്‍. പുരുഷന്മാര്‍, സ്ത്രീകള്‍, ഭര്‍ത്താക്കന്മാര്‍, ഭാര്യമാര്‍ എന്നതിനുപകരം ലിംഗ-നിഷ്പക്ഷ പദങ്ങള്‍ ഉപയോഗിക്കും.
കൂടാതെ ട്രാന്‍സ്ജെന്‍ഡറുകള്‍ക്ക് വിവാഹം കഴിക്കാനും നിയമം അനുവദിക്കും. എല്ലാ വിവാഹിതരായ ദമ്പതികള്‍ക്കും ദത്തെടുക്കലും അനന്തരാവകാശവും നല്‍കും. കഴിഞ്ഞ ജൂണില്‍ നടന്ന പാര്‍ലമെന്റ് വോട്ടെടുപ്പിലാണ് സ്വവര്‍ഗ വിവാഹ ബില്‍ പാസായത്. ഈ നിയമം സെപ്റ്റംബറില്‍ രാജാവ് മഹാ വജിറലോങ്കോണ്‍ അംഗീകരിക്കുകയും 120 ദിവസത്തിന് ശേഷം പ്രാബല്യത്തില്‍ വരികയും ചെയ്തു.
തായ്‌ലന്‍ഡില്‍ സ്വവര്‍ഗ വിവാഹ നിയമങ്ങള്‍ പാസാക്കുന്നതിനായി എല്‍ജിബിടിക്യു ഗ്രൂപ്പുകള്‍ നടത്തിയ പ്രചാരണത്തിന്റെ പരിസമാപ്തിയാണ് നിയമം പാസാക്കിയത്. 2001-ല്‍ നെതര്‍ലാന്‍ഡ്സ് ആണ് സ്വവര്‍ഗ വിവാഹം അനുവദിച്ച ആദ്യ രാജ്യം, അതിനുശേഷം ലോകമെമ്പാടുമുള്ള 30-ലധികം രാജ്യങ്ങളാണ് ഇത് പിന്തുടരുന്നത്.