എക്‌സാലോജിക്കുമായുള്ള ഇടപാടിലെ എസ്എഫ്‌ഐഒയുടെ കുറ്റപത്രത്തിനെതിരെ സിഎംആര്‍എല്‍ ഹൈക്കോടതിയെ സമീപിച്ചു. തുടര്‍ നടപടി സ്വീകരിക്കാനുള്ള വിചാരണക്കോടതിയുടെ തീരുമാനം റദ്ദാക്കണമെന്ന് സിഎംആര്‍എല്‍ ഹൈക്കോടതിയില്‍ ആവശ്യപ്പെട്ടു.

കൂടാതെ, എറണാകുളം അഡീഷണല്‍ സെഷന്‍സ് കോടതി തങ്ങളുടെ വാദം കേള്‍ക്കാതെ നടപടി സ്വീകരിച്ചുവെന്നും സിഎംആര്‍എല്‍ വാദിക്കുന്നു.

കഴിഞ്ഞ ദിവസം എസ്എഫ്‌ഐഒ സമര്‍പ്പിച്ച കുറ്റപത്രത്തെ എറണാകുളം അഡീഷണല്‍ സെഷന്‍സ് കോടതി ഫയലില്‍ സ്വീകരിച്ചിരുന്നു. ഈ നടപടിയെ സിഎംആര്‍എല്‍ ഹൈക്കോടതിയില്‍ ചോദ്യം ചെയ്ത് കൊണ്ട് ഹര്‍ജി നല്‍കി.

കുറ്റപത്രത്തിന്റെ പകര്‍പ്പ് ആവശ്യപ്പെട്ട് സിഎംആര്‍എല്‍ സെഷന്‍സ് കോടതിയില്‍ അപേക്ഷയും നല്‍കിയിട്ടുണ്ട്.