മുൻ ഗവർണർ ആൻഡ്രൂ ക്യൂമോയെയും റിപ്പബ്ലിക്കൻ സ്ഥാനാർത്ഥി കർട്ടിസ് സ്ലിവയെയും പരാജയപ്പെടുത്തി ന്യൂയോർക്ക് നഗരത്തിന്റെ മേയറായി ഡെമോക്രാറ്റിക് നോമിനി സൊഹ്‌റാൻ മംദാനി ചൊവ്വാഴ്ച തിരഞ്ഞെടുക്കപ്പെട്ടു.

ക്വീൻസിൽ നിന്നുള്ള 34 കാരനായ ഡെമോക്രാറ്റിക് സോഷ്യലിസ്റ്റും സംസ്ഥാന അസംബ്ലി അംഗവുമായ അദ്ദേഹം 50% ത്തിലധികം വോട്ടുകൾ നേടിയാണ് വിജയം ഉറപ്പിച്ചത്. 67കാരനായ ക്യൂമോ 40% ത്തിലധികം വോട്ടുകൾ നേടി രണ്ടാം സ്ഥാനത്തെത്തി, റിപ്പബ്ലിക്കൻ സ്ഥാനാർത്ഥി കർട്ടിസ് സ്ലിവയ്ക്ക് 7% ത്തിലധികം വോട്ടുകൾ ലഭിച്ചു.

ന്യൂയോർക്ക് നഗരത്തിലെ ആദ്യത്തെ മുസ്ലീം മേയർ എന്നതിലുപരി, മംദാനി ആദ്യത്തെ ദക്ഷിണേഷ്യൻ മേയറും ഒരു നൂറ്റാണ്ടിലേറെക്കാലത്തെ ഏറ്റവും പ്രായം കുറഞ്ഞ മേയറുമാണ്.