ബുൾഡോസർ രാജ് അവസാനിപ്പിക്കണമെന്ന കർശന നിർദ്ദേശവുമായി സുപ്രീം കോടതി. ബുൾഡോസർ രാജ് നിയമവിരുദ്ധമായി പ്രഖ്യാപിക്കണമെന്ന ഹർജിയിൽ വിധി പറയുകയായിരുന്നു കോടതി. ജുഡീഷറിയുടെ ചുമതല സർക്കാർ ഏറ്റെടുക്കേണ്ടതില്ലെന്നും സുപ്രീംകോടതി വ്യക്തമാക്കി. രാജ്യത്ത് നിയമവാഴ്ചയും മൗലികാവകാശങ്ങളും പാലിക്കപ്പെടണം. ഓരോ കുടുംബത്തിന്റെയും സ്വപ്&zwnj;നമാണ് വീടെന്നും അത് നഷ്ടമാകരുതെന്നതാണ് മനുഷ്യന്റെ സ്വപ്നമെന്നും കോടതി പറഞ്ഞു. ഉദ്യോഗസ്ഥ&zwnj;ർ അധികാരം കൈയിലെടുക്കുന്നത് കടുത്ത നടപടിയാണെന്നും ഉദ്യോ​ഗസ്ഥരുടെ അധികാര ദുർവിനിയോ​ഗം തടയണമെന്നും സുപ്രീകോടതി ആവശ്യപ്പെട്ടു. അനധികൃതമായ സ്ഥലത്താണ് വീടെങ്കിൽ &nbsp;രജിട്രേട്ഡ് പോസ്റ്റിൽ &nbsp;നോട്ടീസ് നൽകണം. നോട്ടീസ് നൽകി പതിനഞ്ച് ദിവസത്തെ ശേഷം മാത്രമേ നിയമവിരുദ്ധ നിർമ്മാണങ്ങൾ പൊളിക്കാൻ പാടുള്ളൂവെന്ന് കോടതി വ്യക്തമാക്കി. കുറ്റാരോപിതനെ മുൻവിധിയോടെ കാണാനാവില്ലെന്നും ആരാണ് കുറ്റക്കാരെന്ന് തീരുമാനിക്കേണ്ടത് സർക്കാരല്ലെന്നും കോടതി പറഞ്ഞു. അധികാര ദുര്&zwj;വിനിയോഗം ഭരണഘടനാ മൂല്യങ്ങള്&zwj;ക്ക് എതിരാണ്. വാസസ്ഥലത്തിനുള്ള അവകാശം ഭരണഘടന ഉറപ്പുനല്&zwj;കുന്ന മൗലികാവകാശം കൂടിയാണ്. നിര്&zwj;മ്മാണം പൊളിക്കാന്&zwj; ഉത്തരവിട്ടാല്&zwj; അപ്പീലിനുള്ള അവസരം നല്&zwj;കണം. അര്&zwj;ധരാത്രി പൊളിച്ച വീട്ടില്&zwj; നിന്നും സ്ത്രീകളും കുട്ടികളും തെരുവിലേക്ക് ഇറങ്ങുന്നത് സന്തോഷകരമല്ലെന്നും കോടതി വ്യക്തമാക്കി. ആരോപണങ്ങളുടെ പേരിൽ ഒരു പൗരന്റെ വീട് ഏകപക്ഷീയമായി പൊളിക്കുന്നത് ഭരണഘടന നിയമത്തെയും അധികാരവിഭജനതത്വത്തെയും ലംഘിക്കുന്നുവെന്ന് സുപ്രീം കോടതി നിരീക്ഷിച്ചു. ജസ്റ്റിസ് ബി ആർ ​ഗവായി ജസ്റ്റിസ് കെ വി വിശ്വനാഥൻ എന്നിവരുടെ ബെഞ്ചാണ് ഹർജികൾ പരി​ഗണിച്ചത്.