യുഎസ്, ഇറാന് ആണവ ചര്ച്ചകള് തുടരും
ഒമാനില് യുഎസും ഇറാനും തമ്മില് ആരംഭിച്ച ആണവ ചര്ച്ചകള് അടുത്തയാഴ്ച്ചയും തുടരും. ഇറാന് തങ്ങളുടെ ആണവ പദ്ധതികള് വിപുലപ്പെടുത്തുന്നുവെന്ന പാശ്ചാത്യ രാജ്യങ്ങളുടെ ആരോപണത്തെക്കുറിച്ചുള്ള ചര്ച്ചകളാണ് ഒമാന്റെ മധ്യസ്ഥതയില് നടക്കുന്നത്.
ചര്ച്ചകള് ഉല്പാദനപരവും സമാധാനപരവും പോസിറ്റീവ് അന്തരീക്ഷത്തിലുമാണ് നടക്കുന്നതെന്ന് ഇറാന്റെ വിദേശകാര്യ മന്ത്രി അബ്ബാസ് അറാക്ചി പറഞ്ഞു. വളരെപ്പെട്ടെന്ന് ഒരു കരാറിലെത്താണ് ഇരുപക്ഷവും ശ്രമിക്കുന്നതെന്ന് അദ്ദേഹം പറഞ്ഞു. ചര്ച്ചയ്ക്കുവേണ്ടി ചര്ച്ച നടത്താന് താല്പര്യമില്ലെന്നും അദ്ദേഹം കൂട്ടിച്ചേര്ത്തു.
ചര്ച്ചകള് വളരെ പോസിറ്റീവും നിര്മ്മാണപരവുമാണെന്ന് വൈറ്റ് ഹൗസ് പറഞ്ഞു. യുഎസ് പ്രസിഡന്റ് ഡൊണാള്ഡ് ട്രംപിന്റെ ഭീഷണികളില് ആശങ്കയുള്ള ഇറാന് കരാറിന്റെ സാധ്യതകളെക്കുറിച്ച് സംശയമുണ്ട്. കരാറിലെത്തിയില്ലെങ്കില് സൈനിക നടപടി സ്വീകരിക്കുമെന്ന് ട്രംപ് ഭീഷണിപ്പെടുത്തിയിരുന്നു.
ചര്ച്ച ചെയ്യേണ്ട വിഷയങ്ങളെക്കുറിച്ച് അടുത്ത ആഴ്ച്ച തീരുമാനമാകുമെന്ന് ഇറാന് വിദേശകാര്യമന്ത്രി പറഞ്ഞു. യഥാര്ത്ഥ ചര്ച്ചകള് അതിനെ അടിസ്ഥാനമാക്കി ആരംഭിക്കുമെന്നും അദ്ദേഹം പറഞ്ഞു.
ചര്ച്ചകള് തുടരാന് ഇരുപക്ഷവും സമ്മതിച്ചിട്ടുണ്ടെന്നും അടുത്ത ശനിയാഴ്ച്ചയാകും ചര്ച്ച നടക്കുകയെന്നും അറാക്ചി കൂട്ടിച്ചേര്ത്തു.
ട്രംപിന്റെ മധ്യേഷ്യന് പ്രതിനിധി സ്റ്റീവന് വിറ്റ്കോഫ്, ഒമാനിലെ യുഎസ് അംബാസിഡര് അനാ എസ്കോര്ഗിമ, അറാക്ചി എന്നിവരാണ് ചര്ച്ചകളില് പങ്കെടുക്കുന്നത്.
പ്രശ്നങ്ങള് വളരെ സങ്കീര്ണമാണെന്നും ഒരു ഇരുകക്ഷികള്ക്കും നേട്ടമുള്ള കരാറിലെത്താനുള്ള ശ്രമത്തിലേക്കുള്ള ഒരു പടിയാണ് ഇറാനുമായുള്ള വിറ്റ്കോഫിന്റെ നേരിട്ടുള്ള ചര്ച്ചയെന്ന് വൈറ്റ്ഹൗസ് പ്രസ്താവനയില് പറഞ്ഞു.