യുഎസ് വിസ റദ്ദാക്കല്; പകുതിയും ഇന്ത്യന് വിദ്യാര്ഥികളുടേതെന്ന് റിപ്പോര്ട്ട്
വിദേശ വിദ്യാര്ത്ഥികള്ക്കെതിരെ യുഎസ് ഗവണ്മെന്റ് സ്വീകരിച്ചു വരുന്ന നടപടികള് ഇന്ത്യന് വിദ്യാര്ത്ഥികള്ക്കിടയിലും ആശങ്ക പടര്ത്തുന്നു. അമേരിക്കന് ഇമിഗ്രേഷന് ലോയേഴ്സ് അസോസിയേഷന്റെ (AILA) റിപ്പോര്ട്ട് അനുസരിച്ച് ഈയടുത്തിടെ അമേരിക്ക റദ്ദാക്കിയ സ്റ്റുഡന്റ് വിസകളില് പകുതിയും ഇന്ത്യന് വിദ്യാര്ത്ഥികളുടേതാണ്.
യുഎസ് അനുവദിച്ചിട്ടുളള സ്റ്റുഡന്റ് വിസ റദ്ദാക്കിയെന്നും എത്രയുംവേഗം രാജ്യംവിടണമെന്നുമുളള അറിയിപ്പാണ് വിദ്യാര്ത്ഥികള്ക്ക് ലഭിക്കുന്നത്. റദ്ദാക്കിയ വിസകളില് 14 ശതമാനം ചൈനയില് നിന്നുമാണ്. ദക്ഷിണ കൊറിയ, നേപ്പാള്, ബംഗ്ലാദേശ് എന്നിവയാണ് മുന്നില് നില്ക്കുന്ന മറ്റു രാജ്യങ്ങള്. 'ദി സ്കോപ്പ് ഓഫ് ഇമിഗ്രേഷന് എന്ഫോഴ്സ്മെന്റ് ആക്ഷന്സ് എഗെയിന്സ്റ്റ് ഇന്റര്നാഷണല് സ്റ്റുഡന്റ്സ്' എന്ന റിപ്പോര്ട്ടിലാണ് ഇക്കാര്യങ്ങള് പറയുന്നത്.
അമേരിക്കയിലേക്ക് കുടിയേറിയ ശേഷം പ്രതിഷേധ പ്രകടനം ഉള്പ്പെടെയുളള ആക്ടിവിസത്തിന്റെ ഭാഗമായവര്ക്കെതിരെയും കര്ശന നടപടിയാണ് ട്രംപ് ഭരണകൂടം സ്വീകരിക്കുന്നത്.