സംസ്ഥാനത്ത് പ്രതിദിന കോവിഡ് കേസുകള്&zwj; വര്&zwj;ധിക്കുന്നു. ഇന്നലെമാത്രം കോവിഡ് സ്ഥിരീകരിച്ചത് 292 പേര്&zwj;ക്കാണ്. ഇതോടെ ആക്ടീവ് കേസുകളുടെ എണ്ണം 2041 ആയി. രാജ്യത്ത് ഇന്നലെ റിപ്പോര്&zwj;ട്ട് ചെയ്ത കോവിഡ് കേസുകളുടെ എണ്ണം 341 ആണ്. രാജ്യത്തെ ആകെ കേസുകളില്&zwj; 80 ശതമാനവും കേരളത്തിലാണെന്ന് കേന്ദ്ര ആരോഗ്യമന്ത്രാലയം അറിയിച്ചു. കോവിഡ് പരിശോധന കൂടുതല്&zwj; നടത്തുന്നതിനാലാണ് സംസ്ഥാനത്ത് കൂടുതല്&zwj; കേസുകള്&zwj; റിപ്പോര്&zwj;ട്ട് ചെയ്യുന്നതെന്ന് സംസ്ഥാന ആരോഗ്യവകുപ്പ് അധികൃതര്&zwj; വ്യക്തമാക്കി.&nbsp; ആശങ്കപ്പെടേണ്ടതില്ല കോവിഡ് വ്യാപനത്തിന് കാരണമായ ഉപവിഭാഗം ജെഎന്&zwj; 1 ഗോവയിലും മഹാരാഷ്ട്രയിലും കണ്ടെത്തിയിട്ടുണ്ട്. രോഗലക്ഷണമുള്ളവരില്&zwj; നടത്തിയ പരിശോധനയിലാണ് പുതിയ ഉപവകഭേദം സ്ഥിരീകരിച്ചത്. കോവിഡ് ഉപവകഭേദം ജെഎന്&zwj; 1 കേരളത്തിലും കണ്ടെത്തിയിരുന്നു. ജീനോം നിരീക്ഷണത്തിലാണ് ജെഎന്&zwj; 1 കണ്ടെത്തിയത്. കോവിഡ് പിറോള (ബിഎ 2.86) ന്റെ പിന്&zwj;ഗാമിയാണിത്. കേരളത്തില്&zwj; കോവിഡ് കേസുകളുടെ സമീപകാല വര്&zwj;ധനവിന് ജെഎന്&zwj; 1 കാരണമാണെന്ന് ഇന്ത്യന്&zwj; മെഡിക്കല്&zwj; അസോസിയേഷന്&zwj; (ഐഎംഎ) കോവിഡ് ടാസ്&zwnj;ക് ഫോഴ്സ് കോ ചെയര്&zwj;മാന്&zwj; ഡോ. രാജീവ് ജയദേവന്&zwj; വ്യക്തമാക്കിയിട്ടുണ്ട്. കേസുകളില്&zwj; വര്&zwj;ധനവുണ്ടെങ്കിലും ആശങ്കപ്പെടേണ്ടതില്ലെന്ന് ആരോഗ്യമന്ത്രി വീണാ ജോര്&zwj;ജ് പ്രതികരിച്ചു.&nbsp; പനിബാധിതരും കൂടുന്നു സംസ്ഥാനത്ത് പ്രതിദിനം പതിനായിരത്തിലേറെ പനി ബാധിതരാണ് ചികിത്സ തേടി ആശുപത്രികളില്&zwj; എത്തുന്നത്. വൈറല്&zwj; പനിയും ഡെങ്കിപ്പനിയുമാണ് വ്യാപകമായിരിക്കുന്നത്. മൂന്നുദിവസത്തിനിടെ മുപ്പതിനായിരത്തിലേറെ പേര്&zwj; പനിക്കായി സര്&zwj;ക്കാര്&zwj; ആശുപത്രികളിലെത്തിയതായാണ് കണക്കുകള്&zwj; പറയുന്നത്. കോഴിക്കോട്, മലപ്പുറം, തിരുവനന്തപുരം ജില്ലകളിലാണ് രോഗികള്&zwj; ഏറെയും. ഇടയ്ക്കിടെ പെയ്യുന്ന മഴയും കാലാവസ്ഥാ വ്യതിയാനവുമാണ് പനി വ്യാപകമാകാന്&zwj; കാരണമെന്നാണ് ആരോഗ്യവകുപ്പ് പറയുന്നത്. ഈ വര്&zwj;ഷം ഇതുവരെ 268 പേര്&zwj;ക്ക് ഡെങ്കിപ്പനിയും 20 പേര്&zwj;ക്ക് എലിപ്പനിയും സ്ഥിരീകരിച്ചു. ആഗോളതലത്തിലും കോവിഡ് ഉയരുന്നു ഇന്ത്യയ്ക്കു പുറമെ അമേരിക്ക, യുകെ, ഫ്രാന്&zwj;സ്, മലേഷ്യ, ഓസ്ട്രേലിയ, ഫിലിപ്പീന്&zwj;സ് തുടങ്ങിയ രാജ്യങ്ങളിലും കോവിഡ് കേസുകള്&zwj; ഉയര്&zwj;ന്നുകൊണ്ടിരിക്കുകയാണ്. രാജ്യത്താകെ പുതിയതായി 587 കോവിഡ് കേസുകളാണ് പുതിയതായി റിപ്പോര്&zwj;ട്ട് ചെയ്തിട്ടുള്ളത്. കഴിഞ്ഞ നാലാഴ്ചയ്ക്കിടെ മാത്രം ഓസ്ട്രേലിയയിലും 500 ലധികം കോവിഡ് കേസുകളാണ് റിപ്പോര്&zwj;ട്ട് ചെയ്തത്.&nbsp; രൂപാന്തരം സംഭവിച്ച് കൊറോണ വൈറസുകള്&zwj; ഇപ്പോഴും പടര്&zwj;ന്നുകൊണ്ടിരിക്കുകയാണെന്ന് ലോകാരോഗ്യ സംഘടനയുടെ സാംക്രമിക രോഗപ്രതിരോധ വിഭാഗം ഇടക്കാല ഡയറക്ടറായ മരിയ വാന്&zwj; കെര്&zwj;ഖോവ് കഴിഞ്ഞദിവസം പറഞ്ഞിരുന്നു. 'ലോകം കോവിഡില്&zwj; നിന്ന് ഏറെ മുന്നോട്ടുപോയി. ആളുകള്&zwj; സ്വയം സുരക്ഷിതരാകാന്&zwj; പഠിച്ചു. പക്ഷേ, ഈ വൈറസ് എവിടെയും പോയിട്ടില്ല. ഇപ്പോഴും പടരുകയും ജീവനെടുത്തുകൊണ്ടുമിരിക്കുകയാണെന്നും മരിയ വാന്&zwj; കെര്&zwj;ഖോവ് പറഞ്ഞു.