ശാസ്ത്രസാങ്കേതിക രംഗങ്ങളില്&zwj; വമ്പിച്ച പുരോഗതി അവകാശപ്പെടുന്നുണ്ടെങ്കിലും, നമ്മുടെ ശാസ്ത്ര ബോധം വളരെ പരിമിതമാണ്. ഇവിടെ ചില മുന്&zwj;നിര ശാസ്ത്രജ്ഞര്&zwj; പോലും റോക്കറ്റ് വിക്ഷേപണം, അണുവിസ്&zwnj;ഫോടനം തുടങ്ങിയ പ്രധാനപ്പെട്ട പരീക്ഷണങ്ങളുടെ വിജയം പ്രകൃത്യാതീത ശക്തികളെ ആശ്രയിക്കുന്നുവെന്ന് വിശ്വസിക്കുന്നു. ശാസ്ത്രബോധം പൗരരുടെ ചുമതലയാണെന്ന് ഭരണഘടന അനുശാസിക്കുന്നുണ്ടെങ്കിലും, നെഹ്രുവിനുശേഷം ഏതെങ്കിലും നേതാവ് ഇതേപ്പറ്റി ജനങ്ങളെ ഉദ്&zwnj;ബോധിപ്പിച്ചിട്ടുണ്ടോ? ശാസ്ത്രത്തിന്റെ സുവിശേഷം പ്രചരിപ്പിക്കാന്&zwj; ഇവിടെ ആരും തയ്യാറല്ല! എന്താണ് ശാസ്ത്ര ബോധം? പരീക്ഷണ നിരീക്ഷണങ്ങളിലൂടെ പ്രകാശിപ്പിക്കപ്പെടുന്ന അറിവാണ് ശാസ്ത്രം അല്ലെങ്കില്&zwj; സയന്&zwj;സ്. ദര്&zwj;ശനം അല്ലെങ്കില്&zwj; തത്വചിന്ത ശാസ്ത്രമല്ല. പുരാതന ഭാരതത്തില്&zwj; ദര്&zwj;ശനത്തിനു പുറമെ, ഗണിതം, ജ്യോതിശാസ്ത്രം, രസതന്ത്രം, ലോഹവിദ്യ, വൈദ്യം തുടങ്ങിയ ശാഖകള്&zwj; ശാസ്ത്രമായിത്തന്നെ വികസിപ്പിക്കപ്പെട്ടു. എന്നാല്&zwj; മതങ്ങളും അന്ധവിശ്വാസങ്ങളും തമ്മിലുള്ള ബാന്ധവത്തിന്റെ ഫലമായി, ജ്യോതിഷം, മന്ത്രവാദം, ആഭിചാരം തുടങ്ങിയവ ഇന്നും &nbsp;പ്രചാരമുള്ള ചില വ്യാജശാസ്ത്ര മേഖലകളാണ്. ഇവയ്&zwnj;ക്കെതിരെ ശബ്ദിച്ചാല്&zwj;, ഗൗരി ലങ്കേഷ്, ഗോവിന്ദ് പന്&zwj;സാരെ തുടങ്ങിയവരെപ്പോലെ ജീവഹാനിപോലും ഉണ്ടാകാം. ആഭിചാരക്രിയകളിലൂടെ ധനസമ്പാദനം, ഇഷ്ടകാര്യലബ്ധി, ശത്രുസംഹാരം, ദോഷപരിഹാരം തുടങ്ങിയവ സാധിക്കുമെന്നാണ് കേരളത്തില്&zwj; പോലും ധാരാളം ആളുകള്&zwj; വിശ്വസിക്കുന്നത്. ഇത്തരം വിശ്വാസങ്ങളെ പ്രോത്സാഹിപ്പിക്കാന്&zwj; നമ്മുടെ സിനിമ, സീരിയല്&zwj; കലാരംഗങ്ങളും തയ്യാറാണ്. നവോത്ഥാനത്തിന്റെ ഫലമായിട്ടാണ് യൂറോപ്പില്&zwj; ശാസ്ത്ര പഠനത്തിന് പ്രാധാന്യം കൈവന്നത്. പ്രകൃതിയുടെ പുസ്തകം ഗണിതത്തിന്റെ ഭാഷയില്&zwj; രചിക്കപ്പെട്ടിരിക്കുന്നുവെന്ന് ഗലീലിയോ പറഞ്ഞത്, പ്രകൃതിയില്&zwj; ശാസ്ത്രത്തിനും യുക്തിക്കുമുള്ള പ്രാധാന്യത്തിന് അടിവരയിടുന്നു. വിശ്വാസമല്ല പ്രകൃതിയെ ഭരിക്കുന്നതെന്നാണിതിന്റെ വ്യാഖ്യാനം ശാസ്ത്രത്തിന്റെ മൗലിക പ്രാധാന്യം തിരിച്ചറിഞ്ഞാല്&zwj; മാത്രമെ ഇന്ത്യയില്&zwj; നവോത്ഥാനം ആരംഭിച്ചു എന്ന് പറയാന്&zwj; കഴിയൂ. ജനാധിപത്യവും സാമൂഹ്യ നീതിയും യാഥാര്&zwj;ത്ഥ്യമാകുന്നതിന് മനുഷ്യരുടെ ജനിതകാടിസ്ഥാനത്തിലുള്ള തുല്യത അംഗീകരിക്കപ്പെടണം. ചാതുര്&zwj;വര്&zwj;ണ്യവ്യവസ്ഥ ശാസ്ത്രീയ സത്യങ്ങള്&zwj;ക്കപ്പുറമാണെന്ന സങ്കല്പം ഇപ്പോഴും സമൂഹത്തില്&zwj; കുടികൊള്ളുന്നു. അതുപോലെ, ഭിന്ന മതാനുയായികള്&zwj; എല്ലാ അര്&zwj;ത്ഥത്തിലും സമാനരാണെന്ന് സമ്മതിക്കാന്&zwj; കൂട്ടാക്കാത്തവര്&zwj; ധാരാളമുണ്ട്. ഇതിന്റെയെല്ലാം അടിസ്ഥാനം ജാതിശുദ്ധിയെപ്പറ്റിയുള്ള വികല ധാരണകളാണ്. വിവാഹത്തിന്റെ കാര്യത്തില്&zwj; ജാതി ബോധം സൃഷ്ടിക്കുന്ന ദുര്&zwj;ഘടങ്ങള്&zwj; നമുക്ക് സുപരിചിതമാണ്. <img src="https://malabar-journal-images.s3.ap-south-1.amazonaws.com/article_assets/a4bfd4a0-57da-4ecd-9688-429b950a50ae.jpg" alt="" width="532" height="248" /> Representaional Image | Flickr വേറെയും ഒട്ടേറെ പ്രശ്&zwnj;നങ്ങളുടെ ഉറവിടം അശാസ്ത്രീയമായ ജാതി സങ്കല്പമാണ്. സവര്&zwj;ണര്&zwj;-അവര്&zwj;ണര്&zwj; എന്നുള്ള വിഭജനം തന്നെ ശാസ്ത്രവിരുദ്ധമാണ്. ഭരണഘടന ജനങ്ങളുടെ തുല്യതയെ ഒരു മൗലിക വസ്തുതയായി പ്രഖ്യാപിച്ചെങ്കിലും അതിപ്പോഴും പ്രയോഗത്തില്&zwj; വന്നിട്ടില്ല. ഒമ്പതുവയസ്സുള്ള ഒരു അവര്&zwj;ണപ്പെണ്&zwj;കുട്ടി സവര്&zwj;ണ അധ്യാപികയുടെ വെള്ളമെടുത്തു കുടിച്ചതിന്റെ പേരില്&zwj; കൊല്ലപ്പെട്ടത് അടുത്ത കാലത്താണ്. കുപ്രസിദ്ധമായ കെവിന്&zwj; വധക്കേസ് സമൂഹത്തില്&zwj; നടമാടുന്ന അശാസ്ത്രീയ സങ്കല്പങ്ങളുടെ സ്വാധീനത്തിലേക്കാണ് വിരല്&zwj;ചൂണ്ടുന്നത്. ഇലന്തൂരില്&zwj; നടന്ന നരബലികള്&zwj; പണം ഉണ്ടാക്കുന്നതിന് ഏതു മാര്&zwj;ഗവും അവലംബിക്കാമെന്ന് ചിലര്&zwj;ക്കുള്ള ധാരണയെ സൂചിപ്പിക്കുന്നു. ഉത്തരേന്ത്യന്&zwj; സംസ്ഥാനങ്ങളില്&zwj; നരബലി അപൂര്&zwj;വമല്ല. നമ്മുടെ വിദ്യാഭ്യാസ സമ്പ്രദായത്തിന് അന്ധവിശ്വാസങ്ങളെ പ്രതിരോധിക്കുന്നതിനുള്ള കഴിവ് സിദ്ധിച്ചിട്ടില്ല എന്നതാണ് സത്യം. രാഷ്ട്രീയ ലക്ഷ്യങ്ങളുള്ള പല നടപടികളും സാമൂഹ്യനീതിയെന്ന ശാസ്ത്രീയ കാഴ്ചപ്പാടിന് കടകവിരുദ്ധമാണ്. സാമൂഹിക അസമത്വത്തെ ചെറുക്കുന്നതിനാണ് പട്ടിക വിഭാഗങ്ങള്&zwj;ക്കായി ഭരണഘടനയില്&zwj; സംവരണം ഏര്&zwj;പ്പെടുത്തിയത്. എന്നാല്&zwj; ഈ പരിഷ്&zwnj;കാരത്തെ പിന്തള്ളുന്ന സാമ്പത്തിക സംവരണം പോലുള്ള പ്രവര്&zwj;ത്തനങ്ങളാണ് ഇപ്പോള്&zwj; നടക്കുന്നത്. ഭാരതീയ ദര്&zwj;ശനത്തിന് ലോകമൊട്ടാകെ വമ്പിച്ച താല്പര്യം സൃഷ്ടിക്കപ്പെട്ടത് അദ്വൈത സിദ്ധാന്തത്തിന്റെയും ബുദ്ധ-ജൈന സിദ്ധാന്തങ്ങളുടെയും പ്രചാരത്തോടെയാണ്. അദ്വൈതം ശാസ്ത്രീയമായി ഒരു ഒന്നാംകിട തത്വചിന്തയാണ്. ഏകീകരണമാണല്ലോ ഭൗതിക ശാസ്ത്രത്തിന്റെയും പ്രഖ്യാപിത പ്രവണത. എന്നാല്&zwj; മതവും രാഷ്ട്രീയവും വിശ്വാസത്തിന്റെ പേരുപറഞ്ഞ് സമൂഹത്തില്&zwj; വിഭജനങ്ങള്&zwj; ഉണ്ടാക്കുകയാണിന്ന് ചെയ്യുന്നത്. അദ്വൈതത്തില്&zwj; നിന്നെത്രയോ അകലെയാണ് നമ്മള്&zwj;! ചരിത്രത്തെ വളച്ചൊടിക്കുന്നതില്&zwj; തെറ്റില്ലെന്ന നിലപാട് അശാസ്ത്രീയമാണ്. അയ്യായിരമോ അതിലധികമോ വര്&zwj;ഷം മുമ്പ് ഭാരതത്തില്&zwj; കൂറ്റന്&zwj; കപ്പലുകള്&zwj;, വിമാനങ്ങള്&zwj;, റോക്കറ്റുകള്&zwj; തുടങ്ങിയവ നിര്&zwj;മിക്കുകയും ഗ്രഹാന്തരയാത്രയ്ക്കു പോലും ഉപയോഗിക്കുകയും ചെയ്തിരുന്നുവെന്ന് വിശ്വസിക്കുകയും പ്രചരിപ്പിക്കുകയും ചെയ്യുന്ന ശാസ്ത്ര വണിക്കുകളുണ്ടിവിടെ. ഇല്ലാത്തതുണ്ടെന്നു ഭാവിച്ചാല്&zwj; പൊല്ലാത്തതു വരുമെന്ന ചൊല്ല് ഓര്&zwj;മ വരുന്നു. <img style="color: #626262;" src="https://malabar-journal-images.s3.ap-south-1.amazonaws.com/article_assets/3f5ed007-8629-42d3-8bf6-ee5cc0b034fe.jpg" alt="" width="504" height="378" /> Photo: PTI ശാസ്ത്രവും മതവും തമ്മിലുള്ള സംഘര്&zwj;ഷത്തിനൊരു മുഖ്യകാരണം വിശുദ്ധ ഗ്രന്ഥങ്ങളെന്ന് കരുതപ്പെടുന്ന പുരാണകൃതികള്&zwj; അടിസ്ഥാനപരമായി അല്പം ചരിത്രവും ഒത്തിരി ഭാവനയും കൂട്ടിച്ചേര്&zwj;ത്തു നിര്&zwj;മിച്ചതാണ് എന്ന് അംഗീകരിക്കാനുള്ള വിമുഖതയാണ്. അവയിലെ ഓരോ വാക്കും പൂര്&zwj;ണ സത്യമാണെന്ന ശാഠ്യം നമ്മെ മുന്&zwj;നിര ശാസ്ത്രത്തില്&zwj; നിന്ന് അകറ്റും. അര്&zwj;ത്ഥശൂന്യമായ ആചാരങ്ങളും വിശ്വാസങ്ങളും എല്ലാ മതങ്ങളിലും സംസ്&zwnj;കാരങ്ങളിലും അടിഞ്ഞുകൂടിയിട്ടുണ്ട്. ജ്യോതിഷത്തിന്റെ കാര്യമെടുക്കുക. ഗ്രഹനിലയെ ആശ്രയിച്ചാണ് മനുഷ്യന്റെ ഭാവി നിര്&zwj;ണയിക്കപ്പെടുക എന്നത് മതനിരപേക്ഷമായ, ഒരബദ്ധവിശ്വാസമാണ്. ശാസ്ത്രീയ തെളിവുകളില്ലാത്ത ഒരു ഭാവനാമേഖല എന്ന് ഇതിനെ വിശേഷിപ്പിക്കാം. വിവാഹം പോലുള്ള ചടങ്ങുകള്&zwj;ക്ക് മുഹൂര്&zwj;ത്തം നിശ്ചയിക്കുന്നതും പില്ക്കാല അനുഭവങ്ങളുമായി ബന്ധമുള്ളതായി തെളിയിക്കപ്പെട്ടിട്ടില്ല. അനുദിനം വര്&zwj;ദ്ധിച്ചു വരുന്ന വിവാഹ മോചന നിരക്കു തന്നെ ഇതിന് സാക്ഷ്യമാണ്&zwnj;. പണ്ട് സ്വാമി വിവേകാനന്ദന്&zwj; കേരളത്തെ ജാതിയുടെ ഭ്രാന്താലയമെന്ന് വിശേഷിപ്പിച്ചത് ഒരു പരിധി വരെ ഇപ്പോഴും പ്രസക്തമാണ്. ജാതിയുടെ ഭ്രാന്താലയം എന്നതിനു പകരം യാഥാസ്ഥിതികതയുടെ ഭ്രാന്താലയമെന്ന വിശേഷണമാണ് കേരളത്തിന് ഇപ്പോള്&zwj; കൂടുതല്&zwj; ചേരുന്നത്. അന്ധവിശ്വാസങ്ങള്&zwj;ക്കെതിരെ ഒരു സമ്പൂര്&zwj;ണ നിയമം പാസ്സാക്കുന്നതിന് നമുക്കിതുവരെ കഴിഞ്ഞിട്ടില്ല. വിശ്വാസ പ്രേരിതമായ ഹീന പ്രവൃത്തികള്&zwj; ഇപ്പോഴും തുടരുന്ന മലയാളികള്&zwj; വെറും കാപാലിക ജനത എന്ന വിശേഷണത്തിനാണ് അര്&zwj;ഹര്&zwj;. ആധുനികത ബാഹ്യമോടിയിലല്ല, വിശ്വാസങ്ങളിലും മനോഭാവങ്ങളിലും ആണ് പ്രതിഫലിക്കേണ്ടത്. വിമര്&zwj;ശനത്തെ പോസിറ്റീവായി എടുക്കുന്ന സമീപനം നമ്മുടെ സമൂഹത്തില്&zwj; നിന്ന് അതിവേഗം അപ്രത്യക്ഷമായിക്കൊണ്ടിരിക്കുകയാണ്. തൊട്ടതിനും പിടിച്ചതിനും അല്ല, ചിന്തിച്ചതിനും പറഞ്ഞതിനും പ്രചരിപ്പിച്ചതിനുമാണ് ശിക്ഷ. സഹിഷ്ണുത ഇല്ലാത്ത ജനതയായി നമ്മള്&zwj; മാറിക്കൊണ്ടിരിക്കുകയാണ്. ആള്&zwj;ക്കൂട്ടക്കൊലപാതകവും, സദാചാര പോലീസിംഗും നമ്മളെ ലോകത്തിനു മുന്നില്&zwj; അപഹാസ്യരാക്കി നിര്&zwj;ത്തുന്നു. ഇത് നാശത്തിന്റെ വഴിയാണ്. ശാസ്ത്രീയ മുന്നേറ്റം നമുക്കൊരു മോഹസ്വപ്നമായി അവശേഷിക്കുമോ? വിദ്യാഭ്യാസ നിലവാരം കുറഞ്ഞുപോയതിന് ഒരു പ്രധാന കാരണം നമ്മുടെ ശാസ്ത്ര വിരുദ്ധമനോഭാവമാണ്. അഭിപ്രായസ്വാതന്ത്ര്യത്തിന് കടിഞ്ഞാണിടുന്ന രാജ്യങ്ങളില്&zwj; ശാസ്ത്രസാങ്കേതിക പുരോഗതിയും പിന്നാക്കം പോകുന്നു എന്നത് പ്രകടമായ പരമാര്&zwj;ത്ഥമാണ്. പഴയതിലേക്ക് തിരിച്ചു പോവുക എന്ന ചില നേതാക്കളുടെ ആഹ്വാനത്തെ കണ്ണുമടച്ച് അനുസരിച്ചാല്&zwj; രാജ്യം തന്നെ അപകടത്തിലാവും. സത്യസന്ധമായ ശാസ്ത്രബോധത്തിന്റെ അഭാവം നമ്മെ പിന്നോട്ടടിക്കും. ശരിയായ ശാസ്ത്രബോധത്തിന് യുക്തി മതിയാവില്ല, തെളിവാണ് എല്ലാറ്റിന്റെയും അടിസ്ഥാനമെന്ന വിശ്വാസം വേണം. തെളിവ് പൂര്&zwj;ണമാകണമെങ്കില്&zwj;, സത്യാപന വിധേയമായ പ്രവചനങ്ങളും അനിവാര്യമാണ്. ശാസ്ത്രത്തിന് പകരം വയ്ക്കാന്&zwj; ശാസ്ത്രമല്ലാതെ മറ്റൊന്നുമില്ല.